Salamo
Ki te takitaki o te kau fai pese. Se pese. Se salamo.
66 Ka‵laga mo te manumalo ki te Atua, e te lalolagi kātoa.+
2 Usu atu a vikiga ki tena igoa ‵malu.
Fai ke ‵malu ana vikiga.+
3 Fai atu ki te Atua: “Ko oko eiloa i te fakaofoofogia o au galuega!+
Ona ko te lasi o tou ‵mana,
Ka o‵mai ou fili ki ou mua mo te pole‵pole.+
4 A te lalolagi kātoa ka ifo ki lalo i a koe;+
Ka usu ne latou a pese o vikiga ki a koe;
Ka usu ne latou a pese o vikiga ki tou igoa.”+ (Selā)
5 O‵mai o ‵kilo ki galuega a te Atua.
Ana faifaiga ki tama a tāgata e fakaofoofogia.+
I konā ne fia‵fia ei matou ona ko ia.+
7 E pule a ia ki te se-gata-mai+ i tena malosi.
Ana mata e kilokilo faeloa ki atufenua.+
A latou kolā e loto ma‵keke e se ‵tau o fakamaluga aka a latou eiloa.+ (Selā)
8 ‵Viki atu ki te ‵tou Atua, koutou e tino,+
Kae fai ke lagona a te leo o ana vikiga.
10 Me ko oti ne iloilo ne koe matou, e te Atua;+
E pelā mo siliva māfai ko faka‵ma, tela la, ko oti ne faka‵ma ne koe matou.
11 Ne aumai ne koe matou ki loto i te tili a te tino tuli manu;
Ne tuku ne koe se amoga ‵mafa ki luga i a matou.*
12 Ne talia ne koe a te tagata ke tele i luga i a matou;*
Ne o‵mai matou i loto i te afi mo te vai;
Kae aumai ne koe matou ki se koga saogalemu.
13 Ka vau au ki tou fale mo taulaga ‵sunu kātoa;+
Ka ‵togi atu ne au aku tautoga ki a koe+
14 Kolā ne tauto ki ei oku laugutu+
Kae faipati ne toku gutu i te taimi ne puapuaga ei au.
15 Ka ofo atu ne au ki a koe a taulaga ‵sunu mai manu puta‵puta
Fakatasi mo te au mai taulaga mamoe.
Ka ofo atu ne au a pulumakau tāgata fakatasi mo kouti tāgata. (Selā)
16 O‵mai o faka‵logo, koutou katoa kolā e ma‵taku ki te Atua,
Kae ka fai atu ne au ki a koutou a mea ne fai ne ia mō oku.+
17 Au ne kalaga atu ki a ia i toku gutu
Kae faka‵malu ne au a ia ki toku alelo.
18 Moi fai ne tausi ne au se mea fakalogo‵mae i toku loto,
Ko se lagona ne Ieova au.+
20 Ke vikia te Atua, telā ne seki ‵teke ne ia taku ‵talo
Io me taofi tena alofa fakamaoni mai i a au.