Neemia
8 Tenā ne maopoopo ei a tino katoa mo te loto fia‵fia i te malae mai mua o te Mataloa o Vai,+ kae fai atu latou ki a Esela+ te tino laga tusi* ke aumai te tusi o te Tulafono a Mose,+ telā ne fakatonu mai ne Ieova ki tino Isalaelu.+ 2 Ne aumai ne Esela te faitaulaga a te Tulafono ki mua o te fakapotopotoga+ o tāgata, fāfine mo tino katoa kolā e mafai o fakalogo‵logo kae malamalama i ei, i te aso muamua o te fitu o masina.+ 3 Kae ne faitau ne ia a te tulafono i se leo maluga+ i mua o te Mataloa o Vai ki tāgata, fāfine mo tino katoa kolā e mafai o fakalogo‵logo kae malamalama i ei, mai te tafataeao ‵malu ke oko ki te tutonu; kae ne fakalogo‵logo faka‵lei+ eiloa a tino ki te tusi o te Tulafono. 4 Kae ko Esela te tino laga tusi* e tu i luga i se tulaga laupapa ne fakatoka mō te mea tenā; kae e ‵tu atu i tena feitu fakaatamai ko Matitia, Sema, Anaia, Ulia, Hilikia mo Maseia; kae i tena feitu fakamaui ko Petaia, Misaeli, Malakita,+ Hasumu, Hasapatana, Sakalia mo Mesulama.
5 Ne ‵tala ne Esela a te tusi kae lavea ne tino katoa, me i a ia e tu i se koga maluga. I te ‵talaga ne ia, ‵tu aka ei a tino katoa. 6 Tenā ne ‵viki atu ei a Esela ki a Ieova te Atua sili kae tonu, kae ne tali atu a tino katoa penei, “Amene!* Amene!”+ kae sisi olotou lima ki luga. Oti aka, ne to‵tuli latou ki lalo kae ifo atu ki a Ieova mo olotou mata e ‵fuli ki lalo. 7 Kae ko Iesua, Pani, Selepaia,+ Iamina, Akupa, Sapetai, Hotia, Maseia, Kelita, Asalia, Iosapata,+ Hananu mo Pelaia kolā ne tino Levi, ne fakamatala ne latou te Tulafono ki tino,+ kae ko tino e ‵tu eiloa i luga. 8 Kae ne tumau eiloa latou i te faitauatuga o te tusi i se leo maluga, mai te Tulafono a te Atua tonu, kae fakamatala faka‵lei atu kae fakamalamalama atu a mea i ei; tenā ne fesoasoani atu eiloa latou ki tino ke malama‵lama i mea kolā ne faitau mai.+
9 Kae ko Neemia, telā ko te kovana i te taimi tenā,* Esela+ te faitaulaga telā ko te tino laga tusi,* mo tino Levi kolā e akoako ne latou a tino, ne fai atu ki tino katoa: “A te aso nei se aso e tapu ki a Ieova te otou Atua.+ Sa fanoa‵noa io me ‵tagi.” Me i tino katoa ko ‵tagi i te lagonaga ne latou a pati i te Tulafono. 10 Ne fai atu a Neemia ki a latou: “Olo o ‵kai a toe mea ‵lei* kae inu a mea ma‵galo, kae avatu ne meakai+ ki a latou kolā e seki ai ne olotou mea ne fakatoka; me i te aso tenei se aso e tapu ki te ‵tou Aliki, kae sa fanoa‵noa me i te fiafia o Ieova ko te otou ‵pui malosi.”* 11 Kae ne fakamafanafana atu a tino Levi ki tino katoa, olotou muna: “Sa ‵tagi! me i te aso tenei se aso e tapu, kae sa fanoa‵noa.” 12 Ne olo a tino katoa o ‵kai kae inu kae avatu a meakai kae fia‵fia foki,+ me ko malama‵lama latou i pati kolā ne fakamatala atu ki a latou.+
13 Kae i te lua o aso, ne maopoopo atu ei a ulu o kāiga katoa i olotou tamana, faitaulaga mo tino Levi ki tafa o Esela te tino laga tusi* ke momea aka te ‵loto o te lotou malamalama i pati o te Tulafono. 14 Tenā ne maua ei ne latou i loto i te Tulafono me ne fakatonu atu a Ieova e auala i a Mose me e ‵tau mo tino Isalaelu o ‵nofo i fale fakamalumalu* i te taimi o te ‵kaiga fiafia telā e fai i te fitu o masina,+ 15 kae e ‵tau o folafola+ kae faka‵pula atu ne latou ki tino i olotou fakai katoa mo Ielusalema kātoa, penei: “Olo ki te koga maugā kae aumai ne kaula e uke a lau i ei o lakau ko olive, lakau ko te paina, lakau ko te metolo mo lakau pama mo kaula o nisi lakau e uke a lau i ei mo faite a fale fakamalumalu, e ‵tusa eiloa mo mea kolā ne tusi.”
16 Ne olo atu a tino kae aumai ne latou a mea konā mo faite olotou fale fakamalumalu, ko tino taki tokotasi i luga i tena tuafale, e pelā foki mo olotou koga ateatea, i koga ateatea o te fale o te Atua tonu,+ i te malae o te Mataloa o Vai+ mo te malae o te Mataloa o Efalaima.+ 17 Tela la, a tino katoa o te fakapotopotoga kolā ne ‵foki mai i te avega fakapagota ne faite ne latou a fale fakamalumalu kae ‵nofo i ei, me ne seki fai aka eiloa ne tino Isalaelu a te mea tenei talu mai aso o Iosua+ te tama tagata a Nuno ke oko ki te aso tenā, kae ne lasi eiloa te fia‵fia i ei.+ 18 Kae i aso katoa ne fai faeloa te faitauga ki te tusi o te Tulafono a te Atua tonu,+ mai te aso muamua ke oko ki te ‵toe aso. Kae ne fai ne latou te ‵kaiga fiafia i aso e fitu, kae i te valu o aso ne fai i ei se maopoopoga ‵malu e ‵tusa mo te mea telā ne manakogina.+