Se Fakaasiga ki a Ioane

16 Kae ne lagona ne au se leo maluga mai i te koga tapuaki+ ne fai atu ki agelu e tokofitu: “Olo o ‵ligi atu a pōla e fitu o te kaitaua o te Atua ki luga i te lalolagi.”+

2 Ne fanatu te agelu muamua kae ‵ligi atu tena pōla ki te lalolagi.+ Kae ne oko atu a foge fakalogo‵mae kae ‵pisi+ ki luga i tino kolā ne maua ne latou te fakailoga o te manu fekai+ kae tapuaki atu ki tena fakatusa.+

3 Ne ‵ligi atu ne te tokolua o agelu a tena pōla ki te tai.+ Kae ne liu toto te tai+ e pelā mo te toto o se tagata mate, kae ko mea ola katoa i ei ne ‵mate, ao, ko mea i te tai.+

4 Ne ‵ligi atu ne te tokotolu o agelu tena pōla ki vaitafe mo vaipuna.+ Kae ne liu toto a mea konā.+ 5 Ne lagona ne au a te agelu i luga o vai konā e fai atu: “Ko koe, ko te Atua telā e ola nei, ne ola mai mua eiloa,+ ko te Atua fakamaoni,+ e amiotonu, me ne fai ne koe a fakamasinoga konei,+ 6 me ne ‵ligi ne latou ki tua a toto o tino tapu mo te kau pelofeta,+ kae ko oti ne tuku atu ne koe ki a latou a toto ke inu ki ei;+ kaitoa eiloa.”+ 7 Kae ne lagona ne au te fatafaitaulaga e fai mai: “Ao, e Ieova* te Atua Malosi Katoatoa,+ e ‵tonu kae amiotonu au fakamasinoga.”+

8 Ne ‵ligi atu ne te tokofa o agelu tena pōla ki luga i te la,+ kae ne talia ke ‵sunu ne te la a tino ki te afi. 9 Kae ne ‵paku a tino i te lasi o te ‵vela, kae ne pati ma‵sei latou ki te igoa o te Atua, telā e pule ki luga i mala konā, kae ne seki sala‵mo latou kae faka‵malu atu ki a ia.

10 Ne ‵ligi atu ne te tokolima o agelu a tena pōla ki luga i te nofogaaliki o te manu fekai. Kae ne pouli tena malo,+ kae ne kamata o ū olotou nifo ona ko te lotou logo‵mae, 11 kae ne pati ma‵sei latou ki te Atua o te lagi ona ko olotou logo‵maega mo olotou foge, kae ne seki sala‵mo latou i olotou galuega.

12 Ne ‵ligi atu ne te tokoono o agelu tena pōla ki luga i te vaitafe lasi ko te Eufilate,+ kae ne ‵masa pakupaku ana vai+ ke fakatoka te auala mō tupu+ mai i te feitu ki saegala.

13 Kae ne matea ne au a fakamatalaga fakaosofia sē ‵ma* e tolu kolā e foliga pelā me ne lane e o‵mai ki tua mai te gutu o te talako,+ mai te gutu o te manu fekai kae penā foki mai te gutu o te pelofeta loi. 14 A te ‵tonuga loa, a mea konā ne fakamatalaga ne fakaosofia ne temoni kae e fai ne latou a fakailoga,+ kae e olo atu latou ki tupu o te lalolagi nofoaki kātoa, o fakamaopoopo mai latou ki te taua+ i te aso lasi o te Atua Malosi Katoatoa.+

15 “Kiloke! Au e vau e pelā me se tino kaisoa.+ E fiafia a te tino telā e ala+ kae pei faeloa ana gatu, ko te mea ke se sasale fuafua a ia kae ‵kilo atu a tino ki tena masiasi.”+

16 Kae ne fakamaopoopo fakatasi ne latou a tupu ki te koga telā e taku faka-Epelu ko Amaketo.*+

17 Ne ‵ligi atu ne te tokofitu o agelu tena pōla ki te ea. Kae ne vau mai i loto i te koga tapuaki+ se leo maluga mai te nofogaaliki, ana muna: “Ko taunu te mea tenā!” 18 Kae ne ‵lapa a uila mo ‵tagi o leo mo fa‵tili, kae ne poko se mafuie lasi telā e seki poko aka eiloa talu mai te taimi ne ‵nofo ei a tino i te lalolagi,+ ko te ‵toe mafuie lasi kae malosi. 19 A te fakai lasi+ ne ‵vae ki vaega e tolu, kae ne ‵siga a fakai o atufenua; kae ne masaua ne te Atua a Papelonia te Sili,+ ke tuku atu ki a ia te ipu o te uaina o tena kaitaua fakamataku.+ 20 Kae ne ‵tele kea‵tea foki i ei a fenua fo‵liki katoa, kae ne seki toe maua atu a mauga.+ 21 Tenā ne ‵to ifo ei mai te lagi a vaiua fatu, e takitasi taleni* te ‵mafa o fatu takitasi konā, ki luga i tino,+ kae ko tino ne pati ma‵sei atu ki te Atua ona ko te mala o vaiua fatu,+ me ko oko eiloa i te fakamataku o te mala.