Faataoto
14 A te fafine poto e ati aka ne ia tena fale,+
Kae ko te fafine valea e ofa ne ia ki lalo ki ana lima eiloa.
2 A te tino e sasale i te fai mea tonu e mataku ki a Ieova,
Kae ko te tino e faitogafiti* i ana auala e takalialia ki a Ia.
3 A te tokotoko o te fakamatamata e tuku i te gutu o te tino valea,
Kae ko laugutu o tino ‵poto ka puipui ei latou.
4 A te tali fagai manu e ‵ma i te koga e seai ne pulumakau i ei,
Kae e uke a fuataga e maua ona ko te malosi o te pulumakau tagata.
5 A te molimau fakamaoni ka se loi,
Kae ko te molimau ‵pelo e loi i so se taimi.+
6 A te tino fakatauemu e ‵sala ki te poto kae e se maua ne ia,
Kae ko te iloaga e faigofie fua o maua ne te tino malamalama.+
7 Faka‵mao kea‵tea mai te tagata valea,
Me ka se maua eiloa ne koe te iloaga i ana laugutu.+
8 E auala i te poto e malamalama te tagata atamai i te auala e fano a ia i ei,
9 A tino fakavale‵vale e kata‵kata ki te agasala,+
Kae ko tino fai mea ‵tonu, e loto fia‵fia o fai se faka‵leiga ki ei.
10 E iloa eiloa ne te loto tena logo‵mae,
Kae e seai se tino mai tua e fia‵fia fakatasi mo ia.
11 A te fale o tino amio ma‵sei ka fakamaseigina,+
Kae ko te faleie o tino fai mea ‵tonu ka manuia.
13 Ke oko ki te taimi fiafia, e mafai eiloa o logo‵mae te loto,
Kae ko te fiafia e mafai o iku atu ki te fanoanoa.
14 A te tino e masei tena loto ka tau ne ia a ikuga o ana auala,+
Kae ko te tagata ‵lei e tau ne ia a te taui o ana mea ne fai.+
15 A te tino e se lava te faka‵tau e talitonu ki so se pati,
Kae ko te tino atamai e mafaufau ‵loto ki ana kalafaga takitasi.+
16 A te tino poto e fakaeteete kae ‵fuli kea‵tea mai te mea matagā,
Kae ko te tino valea e fai valevale kae lasi tena loto talitonu ki a ia eiloa.
17 A te tino e vave kaitaua e gasuesue mo te valea,+
Kae ko te tagata telā e mafaufau faka‵lei ki mea e takalia‵lia ki ei a tino.
18 A te tino e se lava tena faka‵tau ka maua ne ia te valea e pelā me se tofi,
Kae ko tino ‵poto e fakapei ki te kalauna o te iloaga.+
19 A tino ma‵sei e ‵tau o ifo ki lalo i mua o tino ‵lei,
Kae ko tino amio ma‵sei ka ifo ki lalo i mataloa o ‵pui o tino amio‵tonu.
20 E takalia‵lia a tino ki te tino mativa, e aofia i ei ana tuakoi,+
Kae ko te tino maumea e tokouke ana taugasoa.+
21 A te tino telā e takalialia ki tena tuakoi e agasala,
Kae ko so se tino e fakaasi atu te alofa atafai ki tino ma‵lalo e fiafia.+
22 E a, ka se takitaki‵segina eiloa a latou kolā e faitogafiti?
Kae ko latou kolā e ma‵nako o fai te mea ‵lei ka maua eiloa ne latou te alofa fakamaoni mo te fakamaoni.+
23 E isi se aoga o so se vaegā galuega ‵mafa,
Kae ko te gutu faipati e iku atu ki te mativa.+
24 A te kalauna o tino ‵poto ko olotou koloa;
Kae ko faifaiga a tino va‵lea e iku atu ki mea va‵lea e uke.+
25 A te molimau tonu e faka‵sao ne ia a ola,
Kae ko te tino loi e loi eiloa i so se taimi.
26 A te mataku ki a Ieova e maua i ei te loto talitonu telā e malosi,+
Kae ka fai e pelā me se lafiga ki ana tama‵liki.+
27 A te mataku ki a Ieova se punavai o te ola,
E ‵fuli kea‵tea ei se tino mai malei o te mate.
28 A te tupu e ‵malu māfai e tokouke ana tino,+
Kae ko te pule telā e seai ne ana tino e se aoga.
29 A te tino telā e tuai o ita e lasi tena atamai i te faiga o faka‵tauga ‵lei,+
Kae ko te tino e se lava te kufaki e fakaasi atu ne ia tena valea.+
30 A te loto telā e filemu e tuku mai i ei te ola ki te foitino,
Kae ko te loto masei e fai pelā me ne ivi ‵pala.+
31 A te tino telā e kaisoa ne ia a mea a tino ma‵lalo e fai ne ia ke kaitaua a te Atua telā ne faite ne ia a ia,+
Kae ko so se tino e fakaasi atu ne ia te alofa atafai ki tino ma‵tiva e faka‵malu ne latou a Ia.+
32 A te tino amio masei ka siga ki lalo ona ko ana mea ma‵sei eiloa,
Kae ko te tino amiotonu ka faka‵lafi atu ki tena fakamaoni.+
33 A te poto e takato filemu i te loto o te tino malamalama,+
Kae e ‵tau o fai ke iloa a ia ne tino va‵lea.
34 A te amiotonu e fakamaluga aka ne ia se atufenua,+
Kae ko te agasala se mea fakamasiasi ki se fenua.