Sapakuka
3 Ko te ‵talo a Sapakuka te pelofeta, i se pese fanoanoa:
2 Ieova, au ne logo i tala e uiga ki a koe.
Ko oko eiloa au i te ofo, e Ieova, i au galuega.
Fakaola aka au galuega i te taimi tonu!*
Fai ke salalau atu i te taimi tonu.*
Ke masaua eiloa o fakaasi atu te alofa fakamagalo i te taimi o te ‵numi valevale.+
A tena ‵malu ne ufi i ei te lagi;+
Kae ne ‵fonu te lalolagi i ana vikiga.
4 A tena mainaga e pelā me se moli.+
E lua mainaga ne ma‵lapu mai i tena lima,
Telā e ‵funa i ei tena malosi.
5 E mua atu i a ia a famai,+
Kae ko te fiva ne tautali atu i ana vae.
6 Ne tu a ia kae lūlū te lalolagi.+
I te taimi ne kilo atu ei a ia, ne fai ne ia a atufenua ke ‵poi.+
A mauga se-gata-mai ne tuki ki lalo,
Kae ko tamā mauga mai aso mua ne ifo ki lalo.+
A auala o aso taumua e o ia.
7 Ne lavea ne au a te fakalavelave i loto i faleie o Kusana.
A laugatu o faleie o te fenua ko Mitiana ne pole‵pole i te ma‵taku.+
8 E a, e ‵teke atu koe ki vaitafe, e Ieova,
E a, e ‵teke atu koe ki vaitafe ko fai ei tou kaitaua ke ‵ka pelā me se afi?
Io me e ita koe ki te tai?+
9 A tau kausana e seai sena ufi kae ko toka.
A fiti* ko toka o fai te lotou galuega e ‵tusa mo te tautoga.* (Selā)
Ne ‵vae ne koe te lalolagi ki vaitafe.
10 A mauga ne fiti‵fiti valevale i te logo‵mae i te ‵kiloatuga ki a koe.+
Ne ‵to ifo se vaiua ‵lotu kae lofia a mea.
Ne ‵gulu mai te leo o koga ‵poko.+
Ne sisi aka ana lima ki luga.
11 A te la mo te masina ne ‵tu kae e se ga‵sue i lā koga ma‵luga.+
Au matasana ne eva e pelā me se mainaga.+
Ne malapu eiloa tau tao e pelā me se uila.
12 Ne sasale koe i loto i te lalolagi mo te kaitaua.
Ne lakalaka ne koe a atufenua mo te ita.
13 Ne fano koe ki tua ke fakaola aka ei ou tino, ke fakasao tau tino fakaekegina.
Ne tuki palapala ne koe te takitaki* o te fale o tino amio ma‵sei.
Ne tuku faka‵sau atu mai i te fakavae ke oko ki te taulu.* (Selā)
14 Ne faka‵pu ne koe a ulu o ana toa ‵mafi ki ana meatau
I te lotou o‵maiga fakapoi ki tua o fai malosi au ke salalau valevale.
Ne fia‵fia malosi latou o fakaseai lēmū atu se tino puapuaga.
15 E sasale atu koe i loto i te tai fakatasi mo au solofanua,
I loto i te tai sou kae lasi.
16 Au ne logo kae ne polepole au i toku loto;*
Ne pole‵pole oku laugutu i te tala tenā.
Ne oko te pala ki oku ivi;+
Oku vae i lalo ne pole‵pole.
Kae ne nofo filemu au ke oko ki te aso o te puapuaga,+
Me ka oko atu te aso tenā ki tino kolā e taua mai ki a tatou.
17 Faitalia me kāti ka se fua mai te lakau ko te mati,
Kae e seai ne fuagavine i luga i vine;
Faitalia me kāti ka se ola ‵lei a lakau ko olive,
Kae e seai ne meakai e fua mai i laukele;
Faitalia me kāti ka ‵galo atu a lafu mamoe mai i te lulu,
Kae seai ne pulumakau i te sai;
18 Kae pelā mo au, ka fiafia eiloa au ki a Ieova;
Ka fiafia au i te Atua o toku fakaolataga.+
19 A te Aliki Sili ko Ieova ko toku malosi;+
Ka fai ne ia oku vae ke pelā mo vae o se tia
Kae fai ne ia ke sasale au i koga ma‵luga.+
Ki te takitaki o te kau fai pese; fakatasi mo aku kitala.