Salamo
א [Alefa]
E fiafia a te tagata telā e mataku ki a Ieova,+
ב [Peta]
Telā e fiafia malosi ki ana fakatonuga.+
ג [Gimela]
2 A tino e ‵tupu mai i a ia ka fai mo tino ma‵losi i te lalolagi,
ד [Taleta]
Kae ko te kautama o tino fai mea ‵tonu ka fakamanuiagina.+
ה [He]
3 A te maumea mo koloa e maua i loto i tena fale,
ו [Vau]
Kae ko tena amiotonu e tumau ki te se-gata-mai.
ז [Seini]
4 E maina atu a ia ki tino fai mea ‵tonu e pelā me se moli i te pouliga.+
ח [Heta]
A ia e alofa atafai kae alofa fakamagalo+ kae amiotonu.
ט [Teta]
5 E fetaui ‵lei a te mea tenā ki te tagata telā e ofo atu ana mea mo te kaimalie.+
י [Iota]
E fai ne ia ana mea mo te fakamasinoga tonu.
כ [Kafa]
6 Ka se mafai a ia o malaia.*+
ל [Lameta]
Ka masaua eiloa a tino amio‵tonu ke oko ki te se-gata-mai.+
מ [Mema]
7 Ka se mataku a ia ki tala ma‵sei.+
נ [Nuna]
E ‵mautakitaki tena loto, e talitonu ki a Ieova.+
ס [Sameka]
8 A tena loto e se mafai o fakagasue; e se mataku a ia;+
ע [Aina]
I te fakaotiga ka kilo a ia mo te manumalo ki ana fili.+
פ [Pe]
9 Ko oti ne tufa atu ne ia a mea ki tino e tokouke; ko oti ne tuku atu ne ia a mea ki tino ma‵tiva.+
צ [Sati]
E tumau eiloa tena amiotonu ki te se-gata-mai.+
ק [Kofa]
A tena malosi ka fakamaluga aka fakatasi mo te ‵malu.
ר [Lesa]
10 A te tino amio masei ka lavea ne ia kae fanoanoa.
ש [Sina]
Ka ū ne ia ana nifo kae liuvai.
ת [Tau]
A manakoga o tino amio ma‵sei ka ‵galo atu.+