Te Tusi Muamua ki a Timoteo
3 E tonu eiloa te fakamatalaga tenei: Kafai se tagata e kausaki ke fai mo fai se ovasia,+ e manakogina ke fai ne ia a galuega ‵lei. 2 Tela la, a te ovasia e se ‵tau o taku fakamaseigina ne tino, e tokotasi tena avaga, e ‵lei ana uiga, e ‵lei tena mafaufau,+ e tokagamalie ana mea e fai, e uiga talimalo,+ e poto i te akoako atu,+ 3 e sē se tino e konā sāle,+ e se amio fakasaua, kae e loto malamalama,+ e se kinau valea,+ e sē se tino e valea ki tupe,+ 4 se tagata telā e tausi ki tena kāiga i se auala ‵lei, kae e isi ne ana tama‵liki kolā e faka‵logo kae e ‵lei olotou amioga;+ 5 (me kafai se tagata e se iloa o tausi ki tena kāiga, ka mafai la pefea o tausi ne ia te fakapotopotoga a te Atua?), 6 e sē se tagata fatoa ‵fuli,+ i te mea ma ‵fete i te fakamatamata kae tō atu ki te fakamasinoga telā ko oti ne fai ki luga i te Tiapolo. 7 E se gata i ei, e ‵tau foki o maua ne ia ne fakamaoniga ‵lei* mai tino i tua+ ko te mea ke mo a ma taku fakamaseigina* a ia kae tō atu ki te malei a te Tiapolo.
8 E ‵tau foki o ma‵tua ‵lei a tavini fesoasoani, e se gutugutulua, e se inu malosi ki uaina, e se kaima‵nako ke maua a mea i se auala sē tonu,+ 9 e puke ‵mau ki te mea ‵funa kae tapu o te fakatuanaki mo te loto lagona ‵ma.+
10 E ‵tau foki o tofotofo muamua latou konei ke fetaui ‵lei mo te tauliaga;* tenā ko fai ei latou ke ga‵lue e pelā me ne tavini, me ko saoloto latou mai so se ‵losiga.+
11 E ‵tau foki a fāfine o ma‵tua ‵lei, e se gutu fatufatu,+ e ‵lei olotou uiga, e fakamaoni i mea katoa.+
12 E ‵tau o taki tokotasi a avaga a tavini fesoasoani, e tausi atu ki olotou tama‵liki mo olotou kāiga i se auala ‵lei. 13 Me i tāgata kolā e tavini atu i se auala ‵lei ka maua ne latou se tulaga ‵lei mo te saolotoga lasi ke fai‵pati atu i te fakatuanaki i a Keliso Iesu.
14 E tusi atu ne au a mea konei ki a koe, kae e fakamoemoe au o fanatu ki a koe i se taimi pili mai mua nei, 15 kae kafai e tai tuai atu au, kae ko iloa ne koe te auala e ‵tau o ola koe i ei i loto i te kāiga o te Atua,+ telā ko te fakapotopotoga a te Atua ola, ko te pou mo te ‵lago o te munatonu. 16 Se mea tonu me e tāua ‵ki eiloa a te mea ‵funa kae tapu tenei o te tapuaki fakamaoni ki te Atua: ‘Ne fakaasi mai a ia i te foitino,+ ne taku amiotonugina i te agaga,+ ne fakaasi atu ki agelu,+ ne talai atu e uiga ki a ia i fenua katoa,+ ne tali‵tonu ki ei te lalolagi,+ kae ne talia a ia i luga i te lagi mo te ‵malu.’