Iopu
36 Ne faka‵soko atu a Eliu:
2 “Ke kufaki malie kae ke fai atu taku fakamatalaga,
Me koi isi ne aku pati e manako au o faipati ki ei mō te Atua.
3 Ka faipati fakamaea atu au e uiga ki aku mea e iloa,
Kae ka folafola atu ne au a te amiotonu o te Atua telā ne faite ne ia au.+
4 E tonu, aku pati e se ne pati ‵loi;
A te Atua telā e katoatoa ‵lei tena iloa+ tenei e tu atu i otou mua.
6 Ka se faka‵sao ne ia a ola o tino amio ma‵sei,+
Kae e tuku atu ne ia te fakamasinoga tonu ki tino puapuaga.+
7 E se kilo kea‵tea ana mata mai tino amio‵tonu;+
E faka‵sopo aka ne ia latou fakatasi mo tupu,*+ kae fakama‵luga latou ki te se-gata-mai.
8 Kae kafai e saisai latou ki seni
Kae ‵po i loto i lōpu o puapuaga,
9 E fakaasi ne ia ki a latou a te lotou mea ne fai,
Ko olotou amioga solitulafono kolā ne māfua mai i te lotou fakamata‵mata.
10 E ‵tala ne ia olotou taliga ki pati fakatonutonu
Kae fai atu ki a latou ke ‵fuli kea‵tea mai te faiga o mea ‵se.+
11 Kafai e faka‵logo latou kae tavini atu ki a ia,
Ka ola eiloa latou mo te manuia i olotou aso katoa,
Kae ko tausaga o latou ka ‵gali.+
12 Kae kafai e se faka‵logo latou, ka ‵mate latou i te pelu*+
Kae ‵mate atu e aunoa mo se mea e iloa.
13 A tino loto ma‵sei* ka ita fakamoe‵moe.
E se ‵tagi latou mō se fesoasoani faitalia me saisai ne ia latou.
14 E ‵mate latou kae koi talavou,+
E fakamāumāu* olotou olaga fakatasi mo tāgata talitāgata o te faletapu.+
15 Kae e faka‵sao ne te Atua a tino puapuaga mai olotou puapuaga;
E ‵tala ne ia olotou taliga māfai ko fakasauagina.
16 E ‵futi ne ia koe kea‵tea mai tuakoi o fakalavelave+
Ki se koga ateatea e lasi te saolotoga i ei,+
Fakatasi mo meakai ‵gali i tau taipola e pelā me ne fakamafanafanaga.+
17 Tenā ko lotomalie ei koe ki te fakamasinoga o tino amio ma‵sei,+
I te taimi e fai ei te fakamasinoga kae fakamaluga aka te fakamasinoga tonu.
18 Kae fakaeteete ke mo a ma takitaki koe ne te kaitaua ke fai a mea ma‵sei,+
Kae ke mo a ma takitaki ‵se koe ne se ‵togi fakakolekole lasi.
19 E mata, a tau tagi mō se fesoasoani
Io me ko so se taumafaiga malosi a koe ne fai ka taofi ne ia koe kea‵tea mai fakalavelave?+
20 Sa manako malosi ki te po,
I te taimi ko ‵galo ei a tino mai i olotou koga.
21 Fakaeteete ke mo a ma ‵fuli atu koe ki te faiga o mea ‵se,
Kae filifili te mea tenei i lō puapuaga.+
22 Kiloke! E fakamaluga aka te Atua i tena malosi;
Ko oi la te faiakoga e ‵pau mo ia?
25 A tino katoa ne lavea ne latou a mea konā,
A te tagata e kilo atu ki ei mai i se koga tai ‵mao.
26 Ao, e sili atu te Atua i lō te mea e mafai o iloa ne tatou;+
A te aofaki o ana tausaga e se mafai o malamalama tatou i ei.*+
27 E ‵miti aka ne ia a motiga vai;+
Ko ‵fuli ei ke liu vaiua mai tena ‵sau;
28 Tenā ko ‵ligi ifo ei ne kaumana ki lalo;+
Ko ‵to ifo ei ki luga i tino.
30 Kilo aka la ki te auala ne ‵fola ei ne ia tena uila*+ i luga i ei
Kae ufi ne ia a koga ‵poko* o te tai.
32 E ‵pono ne ia ki ana lima a te uila,
Kae fakatonu ne ia ke saga atu ki tena taketi.+
33 A tena fa‵tili e fakailoa mai i ei a mea e uiga ki a ia,
Ke oko ki te lafu manu e fakailoa mai i ei me ko oi* te tino ka vau.