Te Tusi a Maleko
16 Tela la, i te otiga o te Sapati+ ne ‵togi ne Malia te Makatala, Malia+ te mātua o Iakopo, mo Salome a mea ma‵nogi ko te mea ke olo atu latou o milimili tena foitino.+ 2 Kae i te tafataeao o te aso muamua o te vaiaso i te taimi ne sae aka ei te la, ne olo ei latou ki te tanuga.+ 3 Ne fai‵pati a latou i a latou eiloa penei: “Ko oi te tino ka fakatakafili kea‵tea ne ia te fatu telā e ‵pono i te tanuga?” 4 Kae i te lotou ‵kiloatuga, lavea ei ne latou i te fatu ko oti ne fakatakafili kea‵tea, faitalia te lasi o te fatu tenā.+ 5 I te lotou uluatuga ki loto i te tanuga, lavea ei ne latou se tamataene e sagasaga i te feitu fakaatamai e pei ki gatu ‵kena, kae ne ‵poi eiloa latou. 6 Ne fai atu a ia ki a latou: “Sa ‵poi.+ A koutou e salasala ki a Iesu te Nasaleta telā ne tamate i luga i te pou. Ko oti ne toe fakatu aka a ia.+ E galo a ia i konei. Kiloke! Tenei te koga ne tuku i ei ne latou a ia.+ 7 Kae olo o fakailoa atu ki ana soko penā foki mo Petelu, ‘Ko mua atu a ia i a koutou ki Kalilaia.+ Ka lavea ne koutou a ia i konā, e pelā eiloa mo ana pati ne fai atu ki a koutou.’”+ 8 Tela la, i te lotou ologa ki tua, ne ‵tele latou kea‵tea mai te tanuga, me ko oko eiloa i te lotou pole‵pole kae ma‵taku. Kae seai eiloa se lotou pati ne fai atu ki se tino, me ne ma‵taku eiloa latou.*+