Ki te Kau Epelu
8 Tenei te manatu tāua i omotou pati konei e fai atu: Ko maua ne tatou se vaegā faitaulaga sili penei,+ kae ko oti ne sagasaga a ia i te feitu fakaatamai o te nofogaaliki o tena ‵Malu Sili i te lagi,+ 2 se tavini* i te koga tapu+ mo te faleie tapu tonu, telā ne fakatu aka ne Ieova,* kae e sē se tagata. 3 Me i faitaulaga sili katoa ne faka‵sopo ke ofo atu ne latou a meaalofa mo taulaga; tela la, se mea ‵tau mō te tino tenei ke ofo atu foki ne ia se mea.+ 4 Kafai e nofo a ia i te lalolagi, e se fai a ia mo fai se faitaulaga,+ me e isi ne tino i ei kolā e ofo atu ne latou a meaalofa e ‵tusa mo te Tulafono. 5 A tāgata konei e ofo atu ne latou te taviniga tapu i loto i te fakatusa mo te ata+ o mea i te lagi;+ e pelā eiloa mo Mose, i te taimi ko fakatoka ei o faite te faleie tapu, ne tuku atu ne te Atua te fakatonuga tenei: Me ne fai atu a Ia: “Onoono ke faite faka‵lei ne koe a mea katoa e ‵tusa eiloa mo te ata telā ne fakaasi atu ki a koe i te mauga.”+ 6 Kae nei la, ko oti ne maua ne Iesu se taviniga* telā e sili atu i te ‵lei, me i a ia ko te sokoga+ foki o te feagaiga telā e ‵lei atu,+ kae ko oti ne fakamau‵tu aka e ‵tusa mo te tulafono i luga i folafolaga kolā e ‵lei atu.+
7 Moi fai e seai se mea masei i te feagaiga mua, penei e se manakogina te lua o feagaiga.+ 8 Me ne lavea ne ia a mea ‵se e fai ne tino i ana pati konei: “‘Kiloke! Ka oko mai a aso,’ ko muna a Ieova,* ‘ka fai ei ne au se feagaiga fou mo te kāiga o Isalaelu mo te kāiga o Iuta. 9 Ka se fai pelā mo te feagaiga ne fai ne au mo olotou tupuga i te aso ne puke ei au ki olotou lima o ‵taki latou ki tua mo te fenua o Aikupito,+ me ne seki tumau latou i taku feagaiga, tenā ne seki toe tausi atu ei au ki a latou,’ ko muna a Ieova.*
10 “‘Me tenei te feagaiga ka fai ne au mo te kāiga o Isalaelu mai tua o aso konā,’ ko muna a Ieova. ‘Ka tuku ne au aku tulafono ki loto i olotou mafaufau, kae ka tusi ne au a mea konā i olotou loto.+ Kae ka fai au mo olotou Atua, kae ka fai latou mo oku tino.+
11 “‘Kae ka se toe akoako ne latou a tino o olotou fenua mo olotou taina, kae fai atu: “Fai ke na iloa ne koutou a Ieova!”* Me ka iloa katoa ne latou a au, mai te ‵toe tino malalo ke oko eiloa ki te ‵toe tino maluga i a latou. 12 Me ka fakamagalo ne au olotou faifaiga sē fakamaoni, kae ka se toe masaua eiloa ne au olotou agasala.’”+
13 I ana pati e uiga ki “se feagaiga fou,” ko tena uiga ko fakaseaoga ne ia te feagaiga mua.+ Nei la, a te mea telā ko fakaseaoga kae ko gasolo o matua ko pili eiloa o galo atu.+