Numela

3 Konei a kāiga* o Alona mo Mose i te aso ne faipati atu ei a Ieova ki a Mose i luga i te Mauga o Sinai.+ 2 Konei a igoa o tama tāgata a Alona: a te toekimua ko Natapu, mo Apiu,+ Eleasalo+ mo Itamala.+ 3 Konei a igoa o tama tāgata a Alona, ko faitaulaga kolā ne fakaekegina kae faka‵sopo* aka ke tavini atu e pelā me ne faitaulaga.+ 4 Kae ko Natapu mo Apiu ne ‵mate i mua o Ieova i te taimi ne ofo atu ei ne lāua se afi telā e seki fakatonu atu ke faka‵ka i mua o Ieova+ i te koga lavaki o Sinai, kae ne seki ai ne lā tama tāgata. Kae ko Eleasalo+ mo Itamala+ ne tumau eiloa i te tavini atu e pelā me ne faitaulaga fakatasi mo te lā tamana ko Alona.

5 Tenā ne fai atu ei a Ieova ki a Mose: 6 “Puke mai te matakāiga o Levi+ ki mua kae faka‵tu atu i mua o te faitaulaga ko Alona, kae ka tavini+ atu latou ki a ia. 7 E ‵tau o fakataunu ne latou olotou tiute ki a ia mo te fakapotopotoga kātoa i mua o te faleie o maopoopoga mai te faiga o te lotou taviniga i loto i te faleie tapu. 8 E ‵tau o tausi ne latou a meāfale+ katoa o te faleie o maopoopoga kae fai olotou tiute ki tino Isalaelu mai te tausi atu ki galuega kolā e fai i te faleie tapu.+ 9 E ‵tau o tuku atu ne koe a tino Levi ki a Alona mo ana tama tāgata. A latou ko tino kolā ne tukugina atu, ne tuku atu ki a ia mai tino Isalaelu.+ 10 E ‵tau o ‵tofi aka ne koe a Alona mo ana tama tāgata, kae e ‵tau o fai ne latou olotou tiute e pelā me ne faitaulaga,+ kae ko so se tino* e fakapilipili atu ki ei e ‵tau o tamate.”+

11 Ne toe faipati atu a Ieova ki a Mose, ana muna: 12 “Kae e pelā mo au, kiloke! e puke ne au a tino Levi mai tino Isalaelu ke sui ei a toekimua a tino Isalaelu katoa,+ kae ko tino Levi ka fai ma aku. 13 Me i tama toekimua katoa i a aku.+ I te aso ne tamate ei ne au a toekimua katoa i te fenua o Aikupito,+ ne fakatapu ne au a toekimua katoa a tino Isalaelu ke fai ma aku, e pelā foki mo toekimua a manu+ katoa. Ka fai ma aku a mea katoa konā. Au ko Ieova.”

14 Ne toe faipati atu a Ieova ki a Mose i te koga lavaki o Sinai,+ ana muna: 15 “Fakamau a igoa o tama tāgata a Levi mai kāiga i olotou tamana mo olotou matakāiga. E ‵tau o fakamau ne koe a igoa o tāgata katoa mai te tasi masina o fano ki luga.”+ 16 Tenā ne fakamau ei ne Mose olotou igoa i te fakatonuga a Ieova, e pelā eiloa mo te fakatonuga ne fai atu ki a ia. 17 Konei a igoa o tama tāgata a Levi: ko Kelesona, Koate mo Melali.+

18 Konei a igoa o tama tāgata a Kelesona i olotou kāiga: ko Lipini mo Simei.+

19 A tama tāgata a Koate i olotou kāiga ko Amalamo, Isala, Hepelona mo Usieli.+

20 A tama tāgata a Melali i olotou kāiga ko Mali+ mo Musi.+

Konei a kāiga o tino Levi mai i kāiga i olotou tamana.

21 Mai i a Kelesona ne māfua mai i ei a kāiga o tino Lipini+ mo kāiga o tino Simei. Konei a kāiga o tino Kelesona. 22 A te aofaki o tāgata katoa i ei mai te tasi masina o fano ki luga kolā ne fakamau olotou igoa e toko 7,500.+ 23 A kāiga o tino Kelesona ne ‵nofo mai tua o te faleie tapu+ i te feitu ki togala. 24 A te takitaki o tino Kelesona mai kāiga i olotou tamana ko Eliasafo te tama tagata a Laelu. 25 A te tiute o tama tāgata a Kelesona+ i loto i te faleie o maopoopoga ko te tausi atu ki te faleie tapu mo mea kolā e ufi+ ki ei a te faleie,+ te ‵pui laugatu+ i te mataloa o te faleie o maopoopoga, 26 ko ‵pui laugatu+ o te koga ateatea kolā e tau‵tau ki lalo, ko te ‵pui laugatu+ i te mataloa ki te koga ateatea telā e fakatamilo i ei a te faleie tapu mo te fatafaitaulaga, uka o te faleie, mo galuega katoa kolā e ‵tau o fai i ei.

27 Mai i a Koate ne māfua mai i ei te kāiga o tino Amalamo, te kāiga o tino Isala, te kāiga o tino Hepelona, mo te kāiga o tino Usieli. Konei a kāiga o tino Koate.+ 28 A te aofaki o tāgata katoa mai te tasi masina o fano ki luga e toko 8,600; i o latou te tiute ke tausi atu ki te koga tapu.+ 29 A kāiga o tino Koate ne ‵nofo atu i te feitu ki saute o te faleie tapu.+ 30 A te takitaki o tino Koate mai kāiga i olotou tamana ko Elisafana te tama tagata a Usieli.+ 31 A te lotou tiute ko te tausiga o te Pusa,+ te taipola,+ te tugamoli,+ fatafaitaulaga,+ meāfale+ kolā e fakaaoga i te taviniga i loto i te koga tapu, te ‵pui laugatu,+ mo galuega katoa kolā e ‵tau o fai i ei.+

32 A te takitaki pule o tino Levi ko Eleasalo+ te tama tagata a Alona te faitaulaga, telā e pule ki a latou kolā e fai ne latou a galuega i te koga tapu.

33 Mai i a Melali ne māfua mai i ei a te kāiga o tino Mali mo te kāiga o tino Musi. Konei a kāiga o Melali.+ 34 A te aofaki o tāgata katoa kolā ne fakamau olotou igoa mai te tasi masina o fano ki luga e toko 6,200.+ 35 A te takitaki o tino Melali mai kāiga i olotou tamana ko Sulielu te tama tagata a Apihaila. Ne ‵nofo atu latou i te feitu ki mātū o te faleie tapu.+ 36 A te tiute o tama tāgata a Melali ko te onoono ki felemi laupapa+ o te faleie tapu, ana lakau faka‵lava,+ ana pou,+ ana lagolago, ana meāfale+ katoa mo galuega katoa kolā e ‵tau o fai i ei,+ 37 e pelā foki mo pou kolā e fakatamilo i te koga ateatea mo olotou lagolago,+ ko pine o te faleie mo ana uka.

38 A latou kolā e ‵nofo atu i te feitu ki mua o te faleie tapu i te feitu ki saegala, i mua o te faleie o maopoopoga i te feitu e sae aka ei te la, ko Mose mo Alona mo ana tama tāgata. A te tiute o latou ko te tausiga o te koga tapuaki, ko te lotou tiute e fai mō tino Isalaelu. So se tino* aka e fakapilipili atu ki ei e ‵tau o tamate.+

39 A tāgata Levi katoa mai te tasi masina o fano ki luga, kolā ne fakamau olotou igoa ne Mose mo Alona i olotou kāiga i te fakatonuga a Ieova, e toko 22,000.

40 Tenā ne fai atu ei a Ieova ki a Mose: “Fakamau a igoa o toekimua tāgata katoa o tino Isalaelu mai te tasi masina o fano ki luga,+ lau aka latou, kae tusi se fakasologa o olotou igoa. 41 E ‵tau o puke mai ne koe a tino Levi ma aku​—Au ko Ieova​—ke sui i ei a toekimua katoa o tino Isalaelu,+ kae puke a manu fagai a tino Levi ke sui ki ei a toekimua o manu fagai katoa a tino Isalaelu.”+ 42 Tenā ne fakamau ei ne Mose a igoa o toekimua katoa a tino Isalaelu, e pelā eiloa mo te fakatonuga a Ieova ki a ia. 43 A te aofaki o toekimua tāgata kolā ne fakamau olotou igoa mai te tasi masina o fano ki luga e toko 22,273.

44 Ne toe faipati atu a Ieova ki a Mose, ana muna: 45 “Puke mai a tino Levi ke sui ki ei a toekimua katoa o tino Isalaelu, kae puke mai a manu fagai a tino Levi ke sui ki ei olotou manu fagai, kae ko tino Levi ka fai ma aku. Au ko Ieova. 46 E pelā me ko te ‵togi+ o te toko 273 toekimua o tino Isalaelu kolā e silia atu i te aofaki o tino Levi,+ 47 e ‵tau o puke ne koe e lima sekela* mō tino taki tokotasi,+ e ‵tusa mo te sekela masani i te koga tapu.* A te sekela e tasi e ‵pau mo te 20 kile.*+ 48 E ‵tau o tuku atu ne koe a tupe ki a Alona mo ana tama tāgata e pelā me ko te ‵togi o latou kolā e silia.” 49 Tenā ne puke ei ne Mose a te ‵togi mai i a latou kolā ne silia atu te lotou aofaki i tino Levi. 50 Ne puke ne ia a tupe mai toekimua a tino Isalaelu, e 1,365 sekela, e ‵tusa mo te sekela masani i te koga tapu. 51 Tenā ne tuku atu ei ne Mose a tupe o te ‵togi o tino silia ki a Alona mo ana tama tāgata e ‵tusa mo pati* a Ieova, e pelā eiloa mo te fakatonuga a Ieova ki a Mose.