Levitiko

16 Ne faipati atu a Ieova ki a Mose mai tua o te ‵matega o tama tāgata e tokolua a Alona kolā ne fakapili‵pili atu ki mua o Ieova.+ 2 Muna a Ieova ki a Mose: “Fai ki a Alona tou taina me e se ‵tau mo ia o vau i so se taimi ki loto i te potu tapu+ i loto i te ‵pui laugatu,+ ki mua o te ‵pono o te Pusa, ko te mea ke se mate a ia,+ me ka fakasae atu au i luga i te ‵pono+ i loto i se kaumana.+

3 “Konei a mea e ‵tau o aumai ne Alona māfai e vau ki loto i te potu tapu: se tamā pulumakau tagata mo fai te taulaga mō agasala+ mo se mamoe mo fai te taulaga ‵sunu.+ 4 E ‵tau o pei a ia ki te gatu lino tapu,+ kae e ‵tau o pei tena tivae ‵mutu lino,+ kae e ‵tau o fusi fakatamilo tena fusi lino+ mo tena ulu ki te pulou lino.+ A mea konā ne gatu tapu.+ E ‵tau o koukou a ia ki vai+ ko pei ei ana gatu.

5 “E ‵tau o puke mai ne ia mai te fakapotopotoga o tino Isalaelu+ e lua tamā kouti tāgata mo fai te taulaga mō agasala mo se mamoe e tasi mo fai te taulaga ‵sunu.

6 “Ka oti ko ofo atu ei ne Alona a te pulumakau tagata o te taulaga mō agasala, mō ia eiloa, kae ka fai ne ia te faka‵māga mō ia+ e pelā foki mo tena kāiga kātoa.

7 “Tenā ko puke ei ne ia a kouti e lua kae faka‵tu atu i mua o Ieova i te mataloa o te faleie o maopoopoga. 8 Ka fai ne Alona a vili ki kouti e lua konā, e tasi te vili mō Ieova kae ko te suā vili mō Asasela.* 9 Ka ofo atu ne Alona a te kouti telā ne fai te vili+ ki ei mō Ieova e pelā me se taulaga mō agasala. 10 Kae ko te kouti telā ne fai te vili ki ei mō Asasela e ‵tau o puke ola mai ke fakatu atu i mua o Ieova ko te mea ke fai te faka‵māga ki luga i ei, ko mafai ei o tuku ke tele ki te koga lavaki+ mō Asasela.

11 “Ka ofo atu ne Alona a te pulumakau tagata e pelā me se taulaga mō agasala, mō ia eiloa, ko fai ei ne ia te faka‵māga mō ia e pelā foki mo tena kāiga kātoa; ka oti ko tamate ei ne ia te pulumakau tagata o te taulaga mō agasala, mō ia eiloa.+

12 “Tenā ko puke ei ne ia a te mea tuku malala ‵ka+ telā e ‵fonu i malala ‵ka mai luga i te fatafaitaulaga+ i mua o Ieova mo ona lima e lua e ‵fonu i mea ma‵nogi,+ ko aumai ei ne ia ki loto i te ‵pui laugatu.+ 13 Ka tuku foki ne ia a mea ma‵nogi ki luga i te afi i mua o Ieova,+ kae ko te au o mea ma‵nogi ka ufi ne ia a te ‵pono+ mai luga o te Pusa o te Feagaiga,+ ko te mea ke se mate a ia.

14 “Ka puke ne ia ne mu toto+ o te pulumakau tagata kae fakamotimoti atu ki tena matikao i te feitu ki mua o te ‵pono i te feitu ki saegala, kae ka fakamotimoti atu ne ia ne mu toto ki tena matikao e fakafitu taimi i mua o te ‵pono.+

15 “Tenā ko tamate ei ne ia te kouti mo fai te taulaga mō agasala, telā ka fai mō tino,+ ko aumai ei ana toto ki loto i te ‵pui laugatu+ kae fai ki ei a mea kolā ne fai ne ia ki toto+ o te pulumakau tagata; e ‵tau o fakamotimoti ne ia ki mua o te ‵pono i te feitu ki mua o te ‵pono.

16 “E ‵tau o fai ne ia te faka‵māga mō te potu tapu ona ko faifaiga sē ‵ma a tino Isalaelu, e pelā foki mo olotou amioga solitulafono mo olotou agasala,+ kae tenā te mea e ‵tau o fai ne ia ki te faleie o maopoopoga, telā e tu i te koga e fai i ei ne latou a faifaiga sē ‵ma.

17 “E seai se isi tagata e ‵tau o nofo i loto i te faleie o maopoopoga i te taimi e fanatu ei a ia o fai te faka‵māga i te potu tapu ke oko eiloa ki te taimi ko vau ei a ia ki tua. Ka fai ne ia te faka‵māga mō ia eiloa, tena kāiga+ e pelā foki mo te fakapotopotoga kātoa o tino Isalaelu.+

18 “Tenā ko vau ei a ia ki tua ki te fatafaitaulaga,+ telā e tu i mua o Ieova, kae fai te faka‵māga o te mea tenā, kae ka puke ne ia ne mu toto o te pulumakau tagata mo ne mu toto o te kouti kae nani atu ki luga i suki o te fatafaitaulaga i feitu katoa. 19 Ka fakamotimoti atu foki ne ia ne mu toto ki tena matikao fakafitu taimi kae faka‵ma kae fakatapu atu a te mea tenā mai faifaiga sē ‵ma a tino Isalaelu.

20 “Kafai ko oti ne fai ne ia te faka‵māga+ o te potu tapu mo te faleie o maopoopoga mo te fatafaitaulaga,+ ko ofo atu foki ei ne ia te kouti ola.+ 21 Ka tuku atu ne Alona ana lima ki luga i te ulu o te kouti ola kae fakaasi atu a mea ‵se a tino Isalaelu mo olotou amioga solitulafono katoa mo olotou agasala katoa, kae tuku atu ne ia ki luga i te ulu o te kouti,+ ko uga ei ke fano ki te koga lavaki, e auala i se tagata telā ko oti ne ‵tofi aka ke fai ne ia te mea tenā.* 22 Ka ave ne te kouti a olotou mea ‵se+ katoa ki te vao,+ kae uga atu ne ia te kouti ke fano ki te koga lavaki.+

23 “Ka ulu atu a Alona ki loto i te faleie o maopoopoga kae tapale a gatu lino kolā ne pei a ia ki ei i te taimi ne ulu ei a ia ki loto i te potu tapu, kae ka tuku ne ia i konā. 24 E ‵tau mo ia o koukou ki vai+ i se potu tapu kae pei ana gatu,+ ko vau ei ki tua o ofo atu te taulaga ‵sunu+ mō ia eiloa mo te taulaga ‵sunu mō tino katoa+ kae fai se faka‵māga mō ia e pelā foki mo tino katoa.+ 25 Ka ‵sunu ne ia a gako o te taulaga mō agasala ko te mea ke au i luga i te fatafaitaulaga.

26 “A te tagata telā ne uga ne ia te kouti mō Asasela+ e ‵tau o ‵ta ana gatu kae koukou ki vai, ka oti ko mafai ei o vau ki loto i te fakai.

27 “Kae ko te pulumakau tagata o te taulaga mō agasala mo te kouti o te taulaga mō agasala, kolā ne ave lā toto ki loto i te potu tapu mo fai te faka‵māga, ka ave ki tua mo te fakai, kae ‵sunu a lā pa‵kili mo lā ‵kano mo lā fekau ki te afi.+ 28 A te tino telā e ‵sunu ne ia a mea konā e ‵tau o ‵ta ana gatu kae koukou ki vai, ka oti ko mafai ei o vau ki loto i te fakai.

29 “Ka fai a te mea tenā e pelā me se tulafono fakavae tumau mō koutou: I te fitu o masina, i te po sefulu o te masina, e ‵tau o fakalogo‵mae ne koutou a koutou eiloa,* kae e se ‵tau mo koutou o fai ne galuega,+ faitalia me se tino o te fenua io me se tino fakaa‵tea telā e ‵nofo fakatasi mo koutou. 30 I te aso nei ka fai ei te otou faka‵māga+ ke fakailoa atu i a koutou ko ‵ma. Ka ‵ma eiloa koutou mai otou agasala katoa i mua o Ieova.+ 31 A te mea tenā se sapati malōlō mō koutou, kae e ‵tau o fakalogo‵mae ne koutou a koutou eiloa.+ A te mea tenā se tulafono fakavae tumau.

32 “A te faitaulaga telā ne faū+ kae fakasopo ke tavini pelā me se faitaulaga+ e sui ei tena tamana+ ka fai ne ia se faka‵māga kae ka pei ki gatu lino,+ kolā ko gatu tapu.+ 33 Ka fai ne ia te faka‵māga o te potu tafasili i te tapu,+ te faleie o maopoopoga+ mo te fatafaitaulaga;+ kae ka fai ne ia te faka‵māga mō faitaulaga mo tino katoa i te fakapotopotoga.+ 34 Ka fai a te mea tenei e pelā me se tulafono fakavae tumau mō koutou,+ ke fai te faka‵māga mō tino Isalaelu fakatasi i te tausaga, ona ko olotou agasala katoa ne fai.”+

Ne fai eiloa ne ia a mea konā e ‵tusa mo te fakatonuga a Ieova ki a Mose.