Sakalia

8 Ne toe oko mai te fekau a Ieova o kautau, ana muna: 2 “Konei a pati a Ieova o kautau ne fai mai, ‘Au ka loto finafinau eiloa ona ko Siona kae loto finafinau malosi,+ kae fakatasi mo te kaitaua lasi ka loto finafinau eiloa au ona ko ia.’”

3 “Konei a pati a Ieova ne fai mai, ‘Au ka foki ki Siona+ kae nofo i Ielusalema;+ kae ko Ielusalema ka taku ko te fakai o te munatonu,*+ mo te mauga o Ieova o kautau, te mauga tapu.’”+

4 “Konei a pati a Ieova o kautau ne fai mai, ‘A toeaina mo loma‵tua ka toe saga‵saga i malae o te fakai o Ielusalema, ko tino taki tokotasi mo olotou tokotoko i olotou lima ona ko te ma‵tua.+ 5 Kae ko malae o te fakai ka ‵fonu i tama‵liki tāgata mo tama‵liki fāfine e ta‵fao i konā.’”+

6 “Konei a pati a Ieova o kautau ne fai mai, ‘E tiga eiloa e foliga faigata a te mea tenā ki te ‵toega o tino konei i aso konā, e a, e ‵tau foki o foliga faigata a te mea tenā ki a au?’ ko te folafolaga a Ieova o kautau.”

7 “Konei a pati a Ieova o kautau ne fai mai, ‘Ko faka‵sao nei ne au oku tino mai fenua i te feitu ki saegala mo te feitu ki togala.+ 8 Kae ka aumai ne au latou ki loto, kae ka ‵nofo latou i Ielusalema;+ kae ka fai latou mo oku tino, kae ka fai au mo olotou Atua+ i te munatonu* mo te amiotonu.’”

9 “Konei a pati a Ieova o kautau ne fai mai, ‘Ke ma‵losi otou lima,*+ koutou kolā ko lagona ne koutou a pati konei mai i gutu o pelofeta,+ ko pati eiloa kolā ne faipati atu i te aso ne fakatakato i ei te fakavae o te fale o Ieova o kautau ke faite i ei te faletapu. 10 Me mai mua o taimi konā, e seai ne peofuga e ‵togi atu ki se tagata io me se manu;+ kae e fakamataku foki te fano mo te foki mai ona ko te fili, me ne fai ne au a tāgata katoa ke ‵fuli atu o ‵teke te suā tino ki te suā tino.’

11 “‘Nei la, ka se ‵pau aku faifaiga ki te ‵toega o tino konei e pelā mo aso mua,’+ ko te folafolaga a Ieova o kautau. 12 ‘Me i te fuaga o te filemu ka ‵toki; a te vine ka fua mai ana fuataga kae ko te laukele ko ana taukai,+ kae ka tuku mai ne te lagi a te ‵sau; kae ka fai ne au te ‵toega o tino konei ke maua ne latou a mea katoa konei.+ 13 Kae pelā eiloa mo koutou ne fai pelā me se fakamalaiaga i atufenua,+ e te kāiga o Iuta mo te kāiga o Isalaelu, ka faka‵sao ne au koutou, kae ka fai koutou e pelā me se fakamanuiaga.+ Sa ma‵taku!+ Ke ma‵losi otou lima.’*+

14 “Me konei a pati a Ieova o kautau ne fai mai, ‘“E pelā eiloa mo au ne mafaufau ke aumai te mala ki luga i a koutou ona ko otou tupuga ne fai ne latou au ke kaitaua,” ko muna a Ieova o kautau, “kae ne seki ‵fuli eiloa toku mafaufau,*+ 15 tela la, i te taimi nei ko oti ne mafaufau au ke fai te mea ‵lei ki Ielusalema mo te kāiga o Iuta.+ Sa ma‵taku!”’+

16 “‘Konei a mea e ‵tau o fai ne koutou: Fai‵pati ki te mea tonu te suā tino ki te suā tino,+ kae ko fakamasinoga e fai i loto i otou mataloa o ‵pui o te fakai e ‵tau o fakamalosi aka i ei te mea tonu mo te filemu.+ 17 Sa aofaga o fai a mea ma‵sei e ‵teke atu ei te suā tino ki te suā tino i otou loto,+ kae ke mo a ma fia‵fia ki so se tautoga fakaloiloi;+ me i mea katoa konei e takalialia au ki ei,’+ ko te folafolaga a Ieova.”

18 Ne toe oko mai te fekau a Ieova o kautau ki a au, ana muna: 19 “Konei a muna a Ieova o kautau ne fai mai, ‘A te fakaliki‵likiga i te fa o masina,+ te fakaliki‵likiga i te lima o masina,+ te fakaliki‵likiga i te fitu o masina,+ mo te fakaliki‵likiga i te sefulu o masina+ ka fai pelā me ne taimi o te fia‵fia mo te ‵lifu mō te kāiga o Iuta​—⁠ko ‵kaiga fia‵fia o te fia‵fia.+ Tela la, ke fia‵fia ki te mea tonu mo te filemu.’

20 “Konei a muna a Ieova o kautau ne fai mai, ‘E seki oko nei ki te taimi ka o‵mai i ei a fenua mo tino kolā e ‵nofo i fakai e uke; 21 kae ko tino o te fakai e tasi ka olo atu ki tino i te suā fakai kae fai atu: “O‵mai, ‵tou olo o fakamolemole atu ki a Ieova mō tena taliaga kae ‵sala atu ki a Ieova o kautau. Au foki e fano.”+ 22 Kae uke a fenua mo atufenua ma‵losi ka o‵mai o ‵sala ki a Ieova o kautau i Ielusalema+ kae fakamolemole atu ki a Ieova mō tena taliaga.’

23 “Konei a pati a Ieova o kautau ne fai mai, ‘I aso konā e tokosefulu tāgata mai i ‵gana katoa o atufenua+ ka puke ‵mau, ao, ka puke ‵mautakitaki latou ki te gatu ‵loa* o te tino Iutaia,* kae fai atu: “A matou e ma‵nako o olo fakatasi mo koe,+ me ne ‵logo matou i te Atua e ‵kau fakatasi mo koutou.”’”+