Hakai

2 I te fitu o masina, i te po 21 o te masina, ne oko mai te fekau a Ieova e auala i a Hakai+ te pelofeta, ana muna, 2 “Fakamolemole, fesili atu ki a Selupapelu+ te tama tagata a Salatielu, te kovana o Iuta,+ mo Iosua+ te tama tagata a Iosataka,+ te faitaulaga sili, mo te ‵toega o tino: 3 ‘Ko oi te tino koi ‵toe mai i a koutou ne lavea ne ia te fale* tenei i tena tulaga ‵malu muamua?+ E pefea ana foliga ki a koutou i te taimi nei? E a, e isi se mea koi mafai o faka‵pau atu ki ei?’+

4 “‘Kae nei la e Selupapelu, fakamalosi,’ ko te folafolaga a Ieova, ‘kae ke loto malosi e Iosua te tama tagata a Iosataka, te faitaulaga sili.’

“‘Kae ke loto ma‵losi, koutou katoa e tino o te fenua,’+ ko te folafolaga a Ieova, ‘kae ga‵lue.’

“‘Me i a au e fakatasi atu ki a koutou,’+ ko te folafolaga a Ieova o kautau. 5 ‘Ke masaua a taku tautoga ki a koutou i te taimi ne o‵mai ei koutou ki tua mo Aikupito,+ kae ko toku agaga ne tumau i luga i a koutou.+ Sa ma‵taku.’”+

6 “Me konei a pati a Ieova o kautau ne fai mai, ‘E toe tasi te taimi​—i se taimi pili mai​—kae ka lūlū ne au te lagi mo te lalolagi mo te tai mo te laukele malō.’+

7 “‘Kae ka lūlū ne au a atufenua katoa, kae ko koloa tāua* o atufenua katoa ka aumai ki loto;+ kae ka faka‵fonu ne au te fale tenei ki te ‵malu,’+ ko muna a Ieova o kautau.

8 “‘A te siliva i a aku, kae ko te aulo foki i a aku,’ ko te folafolaga a Ieova o kautau.

9 “‘A te ‵malu o te fale tenei i aso fakamuli ka sili atu i lō te taimi muamua,’+ ko muna a Ieova o kautau.

“‘Kae ka tuku atu ne au a te filemu i te koga tenei,’+ ko te folafolaga a Ieova o kautau.”

10 I te po 24 o te iva o masina, i te lua tausaga o te pulega a Taliu, ne oko mai ei te fekau a Ieova ki a Hakai+ te pelofeta, ana muna: 11 “Konei a pati a Ieova o kautau ne fai mai, ‘Fakamolemole, fesili atu ki faitaulaga e uiga ki te tulafono:+ 12 “Kafai e tauave ne se tagata a ‵kano tapu i tena gatu, kae patele atu tena gatu ki te falaoa io me ko te supu io me ko te uaina io me ko so se vaegā meakai, e a, ka ‵malu a te mea tenā?”’”

Ne tali atu a faitaulaga: “Ikai!”

13 Tenā ne fesili atu ei a Hakai: “Kafai ko se ‵ma se tino me ne patele atu ki se foitino mate, kae e patele atu a ia ki se mea i mea konei, e a ka se ‵ma a te mea tenā?”+

Ne tali atu a faitaulaga: “Ka se ‵ma a te mea tenā.”

14 Tenā ne fai atu ei a Hakai: “‘E penā eiloa a tino konei, kae e penā eiloa te fenua tenei i oku mua,’ ko te folafolaga a Ieova, ‘kae ka penā eiloa a galuega katoa e fai ne olotou lima; so se mea e avatu ne latou ki konā e se ‵ma eiloa.’

15 “‘Nei la, fakamolemole, ke na tuku atu otou loto ki te mea tenei mai te aso tenei o fano ki mua: Koi tuai o tuku se fatu i luga i se isi fatu i te faletapu o Ieova,+ 16 ne pefea te tulaga i te taimi tenā? Kafai e vau se tino ki te fakaputuga saito mo te fakamoemoega ke maua se 20 tapola saito, ne maua fua ne ia e 10; kae kafai e vau se tino ki te koga ‵tau uaina ke asu e 50 fagu uaina, ne maua fua ne ia e 20;+ 17 ne ‵ta ne au koutou​—ko galuega katoa a otou lima​—ki te matagi ‵vela mo te taelagoa+ mo te vaiua fatu, kae e seai se tino i a koutou ne ‵fuli mai ki a au,’ ko te folafolaga a Ieova.

18 “‘Fakamolemole, ke na tuku atu otou loto ki* te mea tenei mai te aso tenei o fano ki mua, mai i te po 24 o te iva o masina, mai te aso ne fakatakato i ei te fakavae o te faletapu o Ieova;+ ke na tuku atu otou loto ki te mea tenei: 19 E a, koi isi ne fuaga i loto i potu ‵teu saito?+ E a, ko oti ne ‵fua mai ne te vine, te mati, te pomekalanite mo te lakau ko te olive olotou fuataga? Mai i te aso tenei ka avatu ne au se fakamanuiaga.’”+

20 Ne oko mai te fekau a Ieova i te lua o taimi ki a Hakai i te po 24 o te masina,+ ana muna: 21 “Fai atu ki a Selupapelu, te kovana o Iuta, ‘Ka lūlū ne au a te lagi mo te lalolagi.+ 22 Ka fakatakavale ne au a te nofogaaliki o malo kae fakaseai atu a te malosi o malo mo atufenua;+ kae ka fakatakavale ne au a te kaliota mo tena tino fakatele, kae ko solofanua mo olotou tino faka‵tele ka ‵siga, ko tino taki tokotasi i te pelu a olotou taina.’”+

23 “‘I te aso tenā,’ ko te folafolaga a Ieova o kautau, ‘ka puke ne au koe, e taku tavini ko Selupapelu+ te tama tagata a Salatielu,’+ ko te folafolaga a Ieova, ‘kae ka fai ne au koe e pelā me se mama fakamailoga, me ko koe te tino ne filifili ne au,’ ko te folafolaga a Ieova o kautau.”