Iopu
33 “Nei la, e Iopu, fakamolemole fakalogo mai ki aku pati;
Fakalogo mai ki mea katoa e fai atu ne au.
2 Kiloke, fakamolemole! E ‵tau mo au o ‵tala toku gutu;
E ‵tau o faipati toku alelo.
3 Aku pati e folafola atu i ei te fai mea tonu o toku loto,+
Kae ko oku laugutu e fakaasi tonu atu i ei aku mea e iloa.
4 Ko te agaga eiloa o te Atua ne faite ne ia au,+
Kae ko te mānava o te Atua Malosi Katoatoa ne aumai ne ia ki a au te ola.+
5 Tali mai aka ki a au māfai e mafai ne koe;
Fai mai au kinauga i oku mua; kae tu i tou tulaga.
6 Kiloke! Au e ‵pau eiloa mo koe i mua o te Atua tonu;
Au foki ne fakafoliga mai i te kele.+
7 Tela la, e seai se mea fakamataku i a au e ‵tau ei koe o mataku,
Kae e se ‵tau koe o manavase ki te ‵mafa o aku pati.
8 Kae ko au pati ne fai ne lagona ne au,
Ao, ne lagona faeloa ne au a pati konei,
9 ‘Au e ‵ma pakipaki e aunoa mo se amioga solitulafono;+
Au e ‵ma, e aunoa mo se mea ‵se.+
10 Kae e ‵sala ne te Atua ne pogai ke ‵teke mai ki a au;
E kilo mai a ia ki a au e pelā me ko tena fili.+
11 E tuku ne ia oku vae ki loto i mea ‵loka vae;
E iloilo ne ia oku auala katoa.’+
12 Kae ko koe e se tonu i au pati konei ne fai, tela la, ka tali atu eiloa au ki a koe:
A te Atua e sili fakafia atu i lō te tagata.+
13 Kaia e fameo ei koe ki a Ia?+
Ona ko te mea e se tali mai ne ia au pati katoa?+
14 Me i te Atua e faipati fakatasi kae fakalua taimi,
Kae e seai se tino e saga ki ei,
15 I se moemiti, se fakaasiga i te po,+
I te taimi e ‵moe palapala ei a tino
I te taimi e ‵moe ei latou i olotou moega.
16 Tenā ko ‵tala ei ne ia olotou taliga+
Kae faka‵mafa* atu ne ia ana fakatonuga ki luga i a latou,
17 Ke ‵fuli kea‵tea se tino mai te faiga o mea ‵se+
Kae puipui se tagata mai te fakamatamata.+
19 A te tino e polopoloki ‵mafa foki ne te logo‵mae i luga i tena moega
Mo te ‵mae faeloa o ana ivi,
20 Tenā ko takalialia ei a ia i te falaoa,
Kae ita a ia i meakai ‵lei.+
21 A tena foitino ko fanaifo eiloa o pakā,
Kae ko ana ivi kolā ne seki lavea atu ko ‵sae eiloa ki tua.*
22 Ko pili eiloa a ia ki te lua;*
Mo tena ola ki a latou kolā e aumai ne latou te mate.
23 Kafai e isi se avefekau* a ia,
Se tino fesoasoani e tokotasi mai te tokoafe,
Ke fai atu ki tou tagata a te mea tonu,
24 Tenā ko fakaasi atu ei ne te Atua tena taliaga kae fai atu,
‘Fakasao a ia mai te fano ki lalo i te lua!+
Ko oti ne maua ne au se togiola!+
25 Fai tena foitino ke malosi atu i lō te taimi koi talavou ei;+
Fai ke toe foki a ia ki aso ne maua ei ne ia te malosi fakatalavou.’+
26 Ka fakatagi atu a ia ki te Atua,+ telā ka talia ne ia a ia,
Kae ka lavea ne ia Ana mata mo te kalaga fiafia,
Kae ka toe fakafoki atu ne ia Tena amiotonu ki te tagata.
27 Ka fakailoa* atu ne te tino tenā ki tāgata,
‘Au ne agasala+ kae ‵fuli fakakotua ne au a te mea tonu,
Kae ne seki maua ne au te mea e ‵tau o maua ne au.*
29 E tonu, e fai ne te Atua a mea katoa konei
Fakalua taimi, fakatolu taimi mō se tagata,
30 Ke toe aumai a ia mai te lua,*
Ko te mea ke fakamaina a ia ki te mainaga o te ola.+
31 Saga tonu mai, e Iopu! Fakalogo mai ki a au!
Nofo filemu, kae ka faka‵soko taku faipatiga.
32 Kafai e isi se mea e fia faipati koe ki ei, tali mai ki a au.
Faipati, me e manako au o fakamaoni aka i a koe e tonu.
33 Kafai e seai sau pati e fia fai, e ‵tau mo koe o fakalogo mai ki a au;
Nofo filemu, kae ka akoako atu ne au ki a koe a te poto.”