Salamo
Ki te takitaki o te kau fai pese; fakatasi mo kitala. Ko te
pese a Tavita.
4 Kafai e kalaga atu au, ke na tali mai ki a au, e toku Atua amiotonu.+
Fai se auala ke sao* ei au i toku fakalavelave.
Ke na talia mai ne koe au kae fakalogologo mai ki taku ‵talo.
2 Koutou e tama a tāgata, e pefea te leva ka ‵fuli ei ne koutou toku fakaaloalogina ki te masiasi?
E pefea te leva ka fia‵fia ei koutou ki te mea sē aoga kae ‵sala atu ki te mea sē tonu? (Selā)
3 Ke iloa ne koutou me i a Ieova ka fai faka‵lei ne ia tena tino fakamaoni i se auala fakapito;*
Ka lagona ne Ieova māfai au e kalaga atu ki a ia.
4 Kaitaua, kae ke mo a ma agasala.+
Ke faipati ifo i tou loto, i luga i tou moega, kae nofo filemu. (Selā)
5 Ofo atu a taulaga o te amiotonu,
Kae talitonu ki a Ieova.+
6 E tokouke e fai mai: “Ko oi ka fakaasi mai ne ia ki a tatou se mea ‵lei?”
Ke maina mai a te mainaga o ou mata ki luga i a matou, e Ieova.+
7 Ko oti ne faka‵fonu ne koe toku loto ki te fiafia lasi
Ke sili atu i a latou kolā e uke olotou saito ne ‵kati mo uaina fou.