Isaia
28 Kalofa eiloa i te foualiki* gali* o tino ko‵nā o Efalaima+
Mo pulalakau o tena ‵malu gali kolā ko olo o mage‵mage,
Kae e tuku i te ulu o te vanu ola ‵lei o latou kolā ko takavale i te uaina!
2 Kiloke! E isi se tino a Ieova telā e malosi kae mafi.
E pelā me se vaiua fatu ‵to ‵lotu, se matagi malosi fakamasei mea,
E pelā me se kaumatagi o lofiaga ‵lasi,
Ka ‵pei mālō ne ia ki lalo i te lalolagi.
4 Kae ko te pulalakau o tena ‵malu gali telā ko magemage,
Telā e tuku i te ulu o te vanu ola ‵lei,
Ka fai pelā me se mati telā e ola kae koi tuai o oko mai te tau ‵vela.
Kafai e lavea ne se tino, e folo ne ia i te taimi e tō atu ki tena lima.
5 I te aso tenā, a Ieova o kautau ka fai pelā me se foualiki ‵malu kae se fou gali ki a latou kolā e ‵toe mai i te fenua.+ 6 Kae ka tuku mai ne ia se agaga o te fai mea tonu ki te tino telā e sagasaga o fakamasino mo te māfuaga o te malosi ki a latou kolā e taua atu i te mataloa o te ‵pui o te fakai.+
7 Kae ko latou konei ko faka‵se foki ne te uaina;
Ko takasē‵se latou ne fai ne olotou meainu ma‵losi.
A faitaulaga mo pelofeta ko faka‵se ne meainu ma‵losi;
Ko ‵numi latou ne fai ne te uaina,
Kae ko takasē‵se latou mai i olotou meainu ma‵losi;
Ko faka‵se latou ne olotou mea e lavea,
Kae e ‵siga latou i te faiga o te fakamasinoga.+
8 A olotou taipola ko ‵fonu i luaga fakatakalialia
—Ko seai se koga e seai ne luaga i ei.
9 Ko oi te tino ka tuku atu ki ei te iloaga,
Kae ko oi te tino ka fakamatala atu ki ei te fekau?
Ki a latou kolā ko se ū
Ko latou kolā ne fatoa ‵vae kea‵tea mai te ū?
10 Me ko “‵soko atu te fakatonuga ki te suā fakatonuga, te fakatonuga ki te suā fakatonuga,
Ko te uka ki te suā uka, te uka ki te suā uka,+
Ne nai mea i konei, ne nai mea i konā.”
11 Tela la, e auala i a latou kolā e pati se‵sese kae ‵kese te lotou ‵gana ka faipati atu ei a ia ki tino konei.+ 12 I se taimi e tasi ne fai atu a ia ki a latou: “Tenei te koga malōlō. Fai ke malōlō te tino ko fi‵ta; tenei te koga ke fakafou i ei te malosi,” kae ne ita latou ma faka‵logo.+ 13 Tela la, konei a pati a Ieova ki a latou:
“Ko ‵soko atu te fakatonuga ki te suā fakatonuga, te fakatonuga ki te suā fakatonuga,
Ko te uka ki te suā uka, te uka ki te suā uka,+
Ne nai mea i konei, ne nai mea i konā,”
Ko te mea kafai e sa‵sale latou,
Ka ‵siga latou kae ‵fiti ki tua
Kae fatifati kae maleigina kae ‵poa aka.+
14 Tela la, faka‵logo ki pati a Ieova, koutou e tino fai‵pati fakamata‵mata,
Koutou e tino pule o tena fenua i Ielusalema,
15 Me ko koutou e tāgata ne fai mai:
Kafai ko seke atu a te lofiaga lasi,
Ka se oko mai ki a matou,
Me ko oti ne fai ne matou te loi mo fai te motou lafiga
Kae ko ‵muni matou i omotou loi.”+
16 Tela la, konei a pati a te Aliki Sili ko Ieova ne fai:
“Tenei au ko fakatakato te fatu ne tofotofogina e pelā me se fakavae i Siona,+
E seai eiloa se tino e fakaasi atu te fakatuanaki ka polepole.+
17 Kae ko te fakamasinoga tonu ka fai ne au me ko te uka e fua ei a mea+
Kae ko te amiotonu ko te levolo.+
A te vaiua fatu ka ‵fulu faka‵ma ne ia a te koga ne faka‵lafi ki ei a loi,
Kae ka lofia a te koga ‵muni i vai.
18 A te otou feagaiga ne fai mo te Mate ka se aoga,
Kae ko te mea ne lotoma‵lie koutou ki ei mo te Tanuga* ka se tumau.+
Kafai ko oko mai te lofiaga lasi,
Ka tuki palapala eiloa koutou i ei.
19 I taimi katoa e oko mai i ei,
Ka ‵fulu faka‵ma i ei koutou;+
Me ka oko mai i tafataeao katoa,
I te ao mo te po.
Ko te mataku fua ka fai ei ke malama‵lama latou i te mea ne lagona ne latou.”*
20 Me i te moega ko tō toetoe ke ta‵kato i luga i ei,
Kae ko te sulukafu ko tō lauliki ke ‵kafu ki ei.
21 Me i a Ieova ka tu ki luga e pelā eiloa mo tena mea ne fai i te Mauga o Pelasima;
Ka tu aka a ia i te vanu i tafa o Kipeona,+
Ko te mea ke fai tena galuega—ko tena galuega fakaofoofogia—
Kae ke mafai o fai tena galuega—ko tena galuega tu ‵kese.+
22 Nei la, ke mo a ma ‵kilo fakatauemu mai,+
Ko te mea ke se ‵mau malosi otou saisaiga,
Me i a au ne logo mai te Aliki Sili, ko Ieova o kautau,
Me ko oti ne fakaiku aka ke tamate a tino katoa i te fenua.*+
23 Tuku mai otou taliga kae faka‵logo mai ki toku leo;
‵Saga tonu mai kae faka‵logo mai ki aku pati e fai atu.
24 E a, a te tino fakamalū laukele e tumau eiloa i te fakamalū te laukele i te aso kātoa kae koi tuai o ‵toki ana fuaga?
E a, e tofa kae fakamalū faeloa ne ia tena laukele?+
25 Kafai ko oti ne fakalaugatasi ne ia te koga i luga,
E a, e se laku atu ne ia a kumina uli kae ‵toki a kumina,
Kae e a, e se ‵toki ne ia a saito, mileta mo kalite i olotou koga
Kae ‵toki fakatamilo a sipele+ e pelā me se ‵pui?
27 Me i kumina uli e se tuki ki te mea tuki saito,+
Kae ko teka o se kā e se faka‵tele atu i luga i kumina.
Kae ko te kumina uli e kini ki se lakau,
Kae ko kumina e kini ki se tokotoko.
28 E a, e solo ne se tino a saito ke maua mai i ei a falaoa?