Hosea
4 Faka‵logo mai ki te fekau a Ieova, e tino Isalaelu,
Me e isi se tagi a Ieova e uiga ki tino kolā e ‵nofo i te fenua,+
Ona ko te mea e seai se munatonu io me se alofa fakamaoni io me se iloaga e uiga ki te Atua i te fenua.+
2 A tautoga ‵loi mo te fakaloiloi+ mo te tatino+
Mo te kaisoa mo te mulilua+ ko salalau valevale,
Kae ko te fakamaligiga e tasi o toto ko ‵tao atu ki te suā fakamaligiga o toto.+
3 Tenā te pogai ka ‵tagi fanoa‵noa ei a te fenua+
Kae ko tino katoa i loto i ei ka gasolo o vāi‵vai;
A manu fe‵kai o te vao mo manu eva o te lagi
Ke oko eiloa ki ika o te tai, ka ‵mate.
4 “Kae ke seai eiloa se tagata e kinau atu io me polopoloki ‵mafa,+
Me i ou tino ko pelā eiloa mo latou kolā e kinau atu ki se faitaulaga.+
5 Tela la, a koe ka pakū i te ao malamalama,
Kae ko te pelofeta ka pa‵kū fakatasi mo koe, e pelā eiloa me se po.
Kae ka fakafilemu aka* ne au tou mātua.
6 Oku tino ka fakafilemu aka,* me ko se iloa ne latou au.
Ona ko te mea ko se fia iloa ne koe au,+
Ka ita foki au ma tavini mai koe e pelā me ko taku faitaulaga;
Kae ona ko te mea ko puli i a koe a te tulafono* a tou Atua,+
Ka puli foki i a au otou tama.
7 Ko te gasolo aka o tokouke latou, ko te lasi foki o te lotou agasala mai ki a au.+
Ka ‵fuli ne au te lotou ‵malu ki te masiasi.*
8 E fakaputa‵puta ne latou a latou eiloa* māfai ko agasala oku tino,
Kae e kaima‵nako latou ki te lotou mea ‵se.
9 Ka ‵pau eiloa te mea ka oko atu ki tino mo faitaulaga;
Ka taui atu ne au ki a latou ona ko olotou amioga,
Kae ka aumai ne au ki a latou a ikuga o olotou faifaiga.+
10 Ka ‵kai latou kae e se lotoma‵lie.+
Ka fai ne latou a amioga fakatauavaga mo tino kese‵kese, kae ka se gasolo latou o tokouke,+
Me seai se āva e fakaasi atu ne latou ki a Ieova.
11 A faifaiga talitāgata mo uaina mo uaina ‵fou
E ave kea‵tea ei a te manakoga ke fai te mea tonu.+
12 Oku tino e fesili atu ki olotou tupua laupapa,
E fai a mea e fai atu ne olotou tokotoko* ki a latou;
Me i te agaga o faifaiga talitāgata e fai ei latou ke sipa kea‵tea,
Kae e auala i olotou faifaiga talitāgata e ita latou ma faka‵logo ki te lotou Atua.
13 E ofo atu olotou taulaga i taulu o mauga,+
Kae fai ne latou ke fanaka te au i luga i tamā mauga,
Mai lalo o lakau ko oka mo lipeno mo so se lakau lasi,+
Me e gali te malūga i ei.
Tenā te pogai e fai ei ne otou tama fāfine a faifaiga talitāgata
Kae ko avaga a otou tama tāgata e mulilua.
14 Ka se fakasala ne au a tama fāfine a koe ona ko olotou faifaiga talitāgata,
Mo avaga a au tama tāgata ona ko te lotou mulilua.
Me i tāgata ko olo mo fāfine talitāgata
Kae ofo atu a taulaga fakatasi mo fāfine talitāgata
A vaegā tino sē malamalama penā+ ka malaia.
16 Me e pelā eiloa me se pulumakau fakalogogata, e penā foki te fakalogogata o Isalaelu.+
E mata, ka tausi ne Ieova latou e pelā me se tamā mamoe i te koga moukuā ateatea?
17 A Efalaima ko tukugina atu ki tupua.+
Tuku atu eiloa a ia penā!
Kae ko pule* o tou fafine e fia‵fia malosi ki te masiasi.+
19 A te matagi ka agi kea‵tea ne ia tou fafine i ana kapakau,
Kae ka masiasi latou i olotou taulaga.”