Te Muamua Samuelu

21 Fakamuli ifo, ne fanatu a Tavita ki Nopa+ ki te faitaulaga ko Aimeleka. Ne kamata a Aimeleka o polepole i tena fetauiga mo Tavita, kae ne fai atu a ia: “Kaia ne vau tokotasi ei koe kae seai se tino ne o‵mai mo koe?”+ 2 Ne tali atu a Tavita ki a Aimeleka: “Ne fakatonu mai te tupu ke fai ne au se mea, kae ne fai mai a ia, ‘Sa fai ke iloa ne se tino a te fekau tenei ka uga ne au koe ke fano o fai e pelā foki mo fakatonuga ne tuku atu ne au ki a koe.’ Ko oti ne fai ne au se fakatokaga ke fetaui mo aku tamataene i se koga. 3 Nei la, kafai e isi ne au falaoa e lima ko tuku mai aka la ki a au, io me ne isi mea aka e mafai o maua.” 4 Kae ne tali atu te faitaulaga ki a Tavita: “E seai ne falaoa masani i oku lima, kae e isi ne falaoa tapu,+ kae e mafai fua o ‵kai au tamataene ki ei māfai e seki ‵nofo fakatasi eiloa mo fāfine.”*+ 5 Ne tali atu a Tavita ki te faitaulaga: “Ko oti eiloa ne taofi aka a fāfine ke se ‵nofo fakatasi mo matou e pelā eiloa mo te mea e fai sāle māfai e fanatu au o taua.+ Kafai e tapu a foitino o tamataene konei māfai e olo sāle o fai se galuega masani, kae sili atu la te tapu o latou i te aso nei!” 6 Tenā ne avatu ei ne te faitaulaga ki a ia a falaoa tapu,+ me e seai ne nisi falaoa i konā kae ko falaoa fua kolā ko oti ne ofo atu ki a Ieova kae ko aumai kea‵tea mai ana mua kae sui ki falaoa ‵fou i te aso eiloa ne ave ei kea‵tea.

7 E isi se tavini a Saulo ne nofo atu i konā i te aso tenā, me ne taofi aka a ia i mua o Ieova i Nopa. A tena igoa ko Toeka+ te tagata Etoma,+ ko te takitaki o tausi mamoe a Saulo.

8 I konā loa ne fai atu ei a Tavita ki a Aimeleka: “E mata, e isi se tao io me se pelu e nofo mo koe? Ne seki puke mai ne au taku pelu io me ko aku meatau me ko oko loa i te fakavave o te fekau a te tupu.” 9 Ne fai atu a te faitaulaga: “Ko te pelu fua tenei a Koliata+ te Filisitia telā ne tamate ne koe i te Vanu o Ela,+ e pelu ki te laugatu mai tua o te efota.+ Kafai e manako koe ki ei ko puke ma koe, puke atu, me tenā fua te mea e tasi i konei.” Ne fai atu a Tavita: “E seai eiloa se pelu e ‵pau mo te mea tenei. Tuku mai ki a au.”

12 Ne tausi ne Tavita a pati konei i tena loto, kae ne mataku+ malosi a ia i te tupu o Kata ko Akisa. 13 Tenā ne fakafoliga ei a ia pelā me fakavalevale+ i olotou mua kae fai pelā me se tino valea. Ne tusitusi valevae ne ia a mataloa o olotou fakai kae faka‵sali ifo ana suavale i tena talafa. 14 Oti aka, ne fai atu a Akisa ki ana tavini: “E lavea ne koutou i te tagata tenei e fakavalevale! Kaia ne aumai ei ne koutou a ia ki a au? 15 E a, e se lava a tāgata fakavale‵vale i konei, ko manakogina ei ne au ke vau se tino fakavalevale penei ki oku mua? E mata, e ‵tau o ulu mai te tagata tenei ki toku fale?”