Esela

7 Mai tua o mea konei, i te taimi o te pulega a te tupu o Pelesia ko Aletaseta+ ne foki mai ei a Esela.*+ A ia ko te tama tagata a Selaia,+ te tama tagata a Asalia, te tama tagata a Hilikia,+ 2 te tama tagata a Saluma, te tama tagata a Satoka, te tama tagata a Aitupa, 3 te tama tagata a Amalia, te tama tagata a Asalia,+ te tama tagata a Melaiota, 4 te tama tagata a Seilaia, te tama tagata a Usi, te tama tagata a Puki, 5 te tama tagata a Apisua, te tama tagata a Fineaso,+ te tama tagata a Eleasalo,+ te tama tagata a Alona+ te faitaulaga pule. 6 A te tino tenei ko Esela ne vau mai Papelonia. A ia ko te tino laga tusi* telā e iloa ‵lei* ne ia a Tulafono a Mose,+ kolā ne tuku atu ne Ieova te Atua o Isalaelu. Ne tuku atu ne te tupu a mea katoa kolā ne manako mai a ia ki ei, me i te lima o Ieova te Atua e i luga i a ia.

7 E isi foki ne tino Isalaelu, faitaulaga, tino Levi,+ tino usuusu,+ tino tausi mataloa+ mo tavini o te faletapu*+ ne olo aka ki Ielusalema i te fitu o tausaga o te pulega a te Tupu ko Aletaseta. 8 Ne vau a Esela ki Ielusalema i te lima o masina, i te fitu o tausaga o te pulega a te tupu. 9 I te aso muamua o te masina muamua, ne kamata tena malaga mai Papelonia, kae ne oko atu a ia ki Ielusalema i te aso muamua o te lima o masina, me ne fakatasi atu eiloa ki a ia a lima ‵lei o tena Atua.+ 10 Ne fakatoka ne Esela a tena loto* ke ‵sala atu ki te Tulafono a Ieova kae fakagalue aka ne ia,+ kae ke akoako atu ne ia a tulafono mo fakamasinoga i Isalaelu.+

11 Tenei te ‵kopi o te tusi telā ne tuku atu ne te Tupu ko Aletaseta ki a Esela te faitaulaga, ko ia foki te tino laga tusi, se tino e lasi tena iloa i fakatonuga a Ieova mo ana tulafono fo‵liki ki Isalaelu:

12 * “Ko Aletaseta,+ te tupu o tupu, ki a Esela te faitaulaga, te tino laga tusi o te Tulafono a te Atua o te lagi: Ke i a koe a te filemu ‵lei katoatoa. Nei la, 13 ko oti ne avatu ne au se fakatonuga ki tino Isalaelu katoa mai lalo i taku pulega mo olotou faitaulaga mo tino Levi kolā e loto fia‵fia o olo mo koe ki Ielusalema ke na olo.+ 14 Me i a koe ne uga ne te tupu mo ana tino fakatonutonu e tokofitu o iloilo aka me e mata, a te Tulafono a te Atua tenā i a koe* e fakagalue i Iuta mo Ielusalema, 15 kae ke puke mai a siliva mo aulo kolā ne tuku atu mo te lotomalie ne te tupu mo ana tino fakatonutonu ki te Atua o Isalaelu, telā e tu a tena koga nofo i Ielusalema, 16 fakatasi mo siliva mo aulo katoa kolā ne maua ne koe mai kogā fenua katoa o Papelonia, fakatasi mo meaalofa kolā ne tuku atu mo te lotomalie ne tino mo faitaulaga ki te fale o te lotou Atua, telā e tu i Ielusalema.+ 17 Kae e ‵tau o ‵togi fakavave ne koe ki tupe konei a pulumakau tāgata,+ mamoe ma‵tua,+ tamā mamoe+ fakatasi mo olotou taulaga meakai+ mo olotou taulaga meainu,+ kae e ‵tau o ofo atu ne koe a manu konā i luga i te fatafaitaulaga o te fale o tou Atua i Ielusalema.

18 “Kae ko so se mea telā e ‵lei ki a koe mo ou taina ke fai, e mafai o fai ne koe ki siliva mo aulo kolā ne ‵toe, e ‵tusa mo te loto o tou Atua. 19 Kae ko pōla katoa kolā ne tuku atu ki a koe mo fai te taviniga i te fale o tou Atua, e ‵tau o avatu ne koe ki mua o te Atua i Ielusalema.+ 20 Kae ko te ‵toega o mea i te fale o tou Atua kolā e ‵tau o tuku atu ne koe, ka tuku atu eiloa ne koe mai te fale ‵teu koloa a te tupu.+

21 “Ko oti ne avatu ne au, te Tupu ko Aletaseta, se fakatonuga ki tino ‵teutupe katoa i te kogā koga i te Suā Feitu o te Vaitafe, ke fai fakavave ne koutou a mea katoa ne manako mai ki ei a Esela+ te faitaulaga, te tino laga tusi o te Tulafono a te Atua o te lagi, 22 ke oko eiloa ki te 100 o taleni* siliva, 100 koli* o saito, 100 paita* uaina,+ 100 paita sinu+ mo masima+ e uke ‵ki. 23 A mea katoa ne fakatonu mai ne te Atua o te lagi e ‵tau o fai mo te loto finafinau mō te fale o te Atua o te lagi,+ ko te mea ke seai se kaitaua e fakaoko atu ki te koga e pule ki ei te tupu mo ana tama tāgata.+ 24 Kae ko toe fakailoa atu ki a koutou me ko se talia ke fai ne faitaulaga, tino Levi, tino usuusu,+ tino tausi mataloa, tavini o te faletapu,*+ mo tino ga‵lue o te fale tenei o te Atua a lafoga foitino, tupe e ‵tau o ‵togi ki te malo,+ io me ko tupe e ‵togi mō te fakaaogaga o auala.

25 “Kae ko koe e Esela, e ‵tusa eiloa mo te poto ne maua ne koe mai tou Atua,* ke na faka‵sopo aka ne famasino lagolago mo famasino ke fakamasino ne latou a tino katoa i te kogā koga i te Suā Feitu o te Vaitafe, tino katoa kolā e iloa ne latou a tulafono a tou Atua; kae e ‵tau o akoako ne koe so se tino telā e se iloa ne ia a tulafono konā.+ 26 Kae ko so se tino telā e se tausi ki te Tulafono a tou Atua mo te tulafono a te tupu e ‵tau o fakamasino kae fakasala fakavave, faitalia me tamate, ‵tuli kea‵tea, fakasala tupe io me ‵pei ki te falepuipui.”

27 Ke vikia a Ieova te Atua o omotou tupuga, telā ne tuku ne ia ki te loto o te tupu ke fakagaligali te fale o Ieova i Ielusalema!+ 28 Kae ne fakaasi mai ne ia ki a au te alofa fakamaoni i mua o te tupu+ mo ana tino fakatonutonu+ mo pelenise ‵mafi katoa a te tupu. Tenā ne maua ei ne au te loto malosi me i te lima o Ieova toku Atua e i luga i a au, kae ne fakamaopoopo ne au mai Isalaelu a takitaki tāgata* ke olo fakatasi mo au.