Salamo

Avatu a vikiga, koutou e tavini a Ieova,

‵Viki atu ki te igoa o Ieova.

 2 Ke ‵viki atu ki te igoa o Ieova

Mai te taimi nei ke oko eiloa ki te se-gata-mai.+

 3 Mai te saeakaga o te la ke oko ki te taimi e tō ei,

Ke ‵viki atu ki te igoa o Ieova.+

 4 E maluga atu a Ieova i atufenua katoa;+

A tena ‵malu e maluga atu i te lagi.+

 5 Ko oi e ‵pau mo Ieova te ‵tou Atua,+

Te tino telā e nofo* i te koga maluga?

 6 E punou ifo a ia o kilo ki te lagi mo te lalolagi,+

 7 E fakatu aka ne ia te tino vāivāi mai te ‵pefu.

E sau aka ne ia te tino mativa mai te fakaputuga o lefu*+

 8 Ko te mea ke saga‵saga fakatasi a ia mo tino tāua,

Mo tino tāua o ana tino.

 9 E tuku atu ne ia ki te fafine sē afu se fale

E pelā me se mātua fiafia e isi ne ana tama‵liki.*+