Te Lua o Tusi a Petelu
2 E tiga te feitu tenā, ne ‵nofo atu foki a pelofeta ‵loi i loto i tino o te Atua, e pelā eiloa mo faiakoga ‵loi kolā ka ‵nofo atu foki i loto i a koutou.+ Ka aumai lēmū ne tino konei a mavae‵vaega kolā e fakamasei atu ki te otou fakatuanaki kae fakafiti ne latou te pule telā ne ‵togi ne ia latou,+ kae aumai fakavave ne latou te lotou fakaseaiga. 2 E se gata i ei, ka tau‵tali atu a tino e tokouke i olotou amioga mata‵fatu mo te sē āva,+ kae ona ko mea konā ka taku fakamaseigina ei te auala o te munatonu.+ 3 Ona ko te kaimanako ka fakamasei foki ne latou a koutou ki olotou pati ‵loi. Kae ko te lotou fakamasinoga telā ko leva ne fakaiku aka,+ e se tuai, kae ko te lotou fakaseaiga e oko mai eiloa.+
4 Se mea tonu me ne seki taofi aka ne te Atua te fakasalaga o agelu kolā ne agasala,+ kae ne ‵pei atu latou ki loto i Tatalusi,*+ ne ‵sai latou ki filifili* i te koga pouli tagataga ke tausi i ei mō te fakamasinoga.+ 5 Kae ne seki taofi ne ia te fakasalaga o te lalolagi mua,+ kae ne fakasao ne ia a Noa, te tino talai o te amiotonu,+ fakatasi mo nisi tino e tokofitu+ i te taimi ne aumai ei ne ia te lolo ki luga i te lalolagi o tino amio ma‵sei.+ 6 Kae mai te fakamaseiga o fakai ko Sotoma mo Komolo ke liu lefu, ne taku fakamasei ne ia,+ ke tuku mai ei se ata o te mea telā ka tupu ki tino amio ma‵sei i aso mai mua.+ 7 Kae ne fakasao ne ia te tino amiotonu ko Lota,+ telā ne mafatia malosi i amioga matafatu mo te sē āva* o tino solitulafono— 8 me ne logo‵mae malosi a te tino amiotonu tenā i aso takitasi i amioga solitulafono kolā ne lavea kae lagona ne ia kae koi nofo atu a ia i a latou. 9 Tela la, e iloa ne Ieova* o faka‵sao a tino kolā e tapuaki fakamaoni ki te Atua mai i olotou tofotofoga,+ kae ke tausi a tino sē amio‵tonu ke fakaseai* i te aso o te fakamasinoga,+ 10 maise eiloa a latou kolā e taumafai ke fakalai‵lai a foitino o nisi tino+ kae takalia‵lia ki pulega.*+
E se ‵poi latou kae loto ‵fika, e se ma‵taku o faifai muna ki tino ‵malu, 11 kae e pelā mo agelu, e tiga eiloa e ‵mana kae e ‵mafi atu a latou, e seai ne olotou ‵losiga e fai atu ki a latou i pati faka‵mae loto, ona ko te lotou āva ki a* Ieova.*+ 12 Kae ko tāgata konei, e fai atu ne latou a pati faka‵mae loto e uiga ki mea kolā e se iloa ne latou, e pelā eiloa mo manu kolā e seai ne olotou mafaufau, e gasue‵sue fua e ‵tusa mo olotou lagonaga, kae ne fa‵nau mai ke ‵po aka latou, ko tamate atu ei.+ Ka logo‵mae latou i te fakaseaiga telā ne maua mai e auala i olotou auala ma‵sei, 13 kae ka logo‵mae latou e pelā me se taui mō olotou auala ma‵sei.
E mafau‵fau latou me se mea fakafiafia ke ola i se olaga sonafai+ i te ao malamalama. A latou ne pona mo lailaiga kolā e fia‵fia malosi* i olotou akoakoga faitogafiti i taimi e fai i ei otou fakaala.+ 14 E ma‵nako malosi latou o mulilua*+ kae e se mafai o taofi aka te lotou fai agasala, kae e fakalata ne latou a tino sē ma‵losi. Ne fakamasani olotou loto ke kaima‵nako. A latou ne tama‵liki o te malaia. 15 Ne tiaki ne latou te auala tonu, kae ne takitaki‵segina. Ne tau‵tali latou i te auala o Palaamo+ te tama tagata a Piolo telā ne fiafai ki te taui o te fai mea ‵se,+ 16 kae ne polopoloki ‵mafa a ia ona ko te sē fai ne ia o te mea tonu.+ Ne taofi aka te malaga a te pelofeta valea tenā i te taimi ne faipati atu ei te asini telā e seai sena leo i se leo o se tagata.+
17 A mea konei ko vaipuna kolā ko ‵masa pakupaku mo te ‵sau telā e agi ne se kaumatagi, kae ko oti ne fakatoka mō latou te ‵toe koga pouli tagataga.+ 18 E fai ne latou a pati fia ‵sili kolā e seai ne aoga. Mai te fakatāua ne latou o manakoga o te foitino+ mo te amio matafatu mo te sē āva, ne fakalata ne latou a tino kolā ne fatoa ‵sao mai i tino e ola i se olaga fai mea ‵se.+ 19 E folafola atu ne latou te saolotoga ki tino konā, kae e ‵nofo eiloa latou e pelā me ne pologa ki amioga ma‵sei;+ me ko so se tino e takavale i se isi tino ko fai a ia mo fai se pologa a te tino tenā.+ 20 Se mea tonu, me kafai ko oti ne fakasaoloto latou mai lailaiga o te lalolagi+ e auala i te iloa tonu o te Aliki mo te Fakaola ko Iesu Keliso, kae e toe aofia latou i mea eiloa konā kae taka‵vale i ei, ka sili atu te masei o te lotou ikuga fakaoti i lō te taimi muamua.+ 21 E ‵lei atu moi ne se iloa tonu ne latou te auala o te amiotonu i lō te iloa ne latou kae toe ‵fuli kea‵tea mai te fakatonuga tapu telā ne maua ne latou.+ 22 Ko oti ne fakataunu ki a latou te tugapati tenei: “Ko toe foki te kuli ki ana luaga, kae ko te puaka telā ko oti ne fakakoukou ko toe foki o takafilifili i te pela.”+