Salamo
Ko te ‵talo a Tavita.
2 Puipui mai toku ola, me i a au e fakamaoni.+
Fakaola tau tavini telā e talitonu ki a koe,
Me i a koe ko toku Atua.+
4 Fai ke fiafia tau tavini,
Me ko koe, e Ieova, e ‵fuli au ki ei.
5 Me i a koe e Ieova, e ‵lei+ kae e toka o fakamagalo;+
A koe e ‵fonu i te alofa fakamaoni ki a latou katoa kolā e ka‵laga atu ki a koe.+
6 Fakalogo mai, e Ieova, ki taku ‵talo;
Kae saga tonu mai ki taku fakatagi mō se fesoasoani.+
9 A atufenua katoa kolā ne faite ne koe
Ka o‵mai kae ifo ki lalo i ou mua, e Ieova,+
Kae ka faka‵malu ne latou tou igoa.+
11 Akoako mai au, e Ieova, e uiga ki tou auala.+
Au ka sasale i tau munatonu.+
Fai ke se fakalotolotolua toku loto* ko te mea ke mataku au ki tou igoa.+
12 E tavae ne au koe, e Ieova te Atua, mo toku loto kātoa,+
Kae ka faka‵malu ne au tou igoa ki te se-gata-mai,
13 Me e sili tou alofa fakamaoni ki a au,
Kae ne fakasao ne koe toku ola mai koga ‵poko o te Tanuga.*+
14 Te Atua, a tāgata fakamata‵mata e ‵tu aka o ‵teke mai ki a au;+
A te potukau o tāgata fakasaua e taumafai o tamate au,
15 Kae ko koe, e Ieova, ko te Atua alofa fakamagalo kae alofa atafai,
E tuai o ita kae ‵fonu i te alofa fakamaoni mo te fakamaoni.*+
16 ‵Fuli mai ki a au kae talia mai au.+
Tuku atu te malosi ki tau tavini,+
Kae fakaola te tama tagata a tau pologa fafine.
17 Fakaasi mai ki a au se fakailoga* o tou aga‵lei,
Ko te mea ke lavea ne latou kolā e taka‵lialia mai ki a au kae masiasi latou i ei.
Me i a koe, e Ieova, e fesoasoani kae fakamafanafana mai ki a au.