Teutelonome

1 Konei a pati ne fai atu ne Mose ki Isalaelu kātoa i kogā koga o te Iolitana i te koga lavaki, i te koga laugatasi i mua o Sufo, i te va o Palana, Tofele, Lapana, Haselota mo Tisapa. 2 E 11 aso mai Holepa ki Katesa-panea+ e auala i te Mauga o Seila. 3 I te 40 tausaga,+ i te 11 o masina, i te aso muamua o te masina, ne faipati atu a Mose ki tino Isalaelu e ‵tusa eiloa mo pati katoa ne fakatonu atu ne Ieova ke fai ki a latou. 4 A te mea tenei ne fai mai tua o te fakatakavalega ne ia a Sekono+ te tupu o tino Amoli, telā ne nofo i Hesepono, mo Oko+ te tupu o Pasana, telā ne nofo i Asatalota i Etelei.+ 5 I te kogā fenua o te Iolitana i te fenua o Moapi, ne kamata o fakamatala atu ne Mose a te Tulafono+ tenei, ana muna:

6 “A Ieova te ‵tou Atua ne fai mai ki a tatou i Holepa, ‘Ko tō leva te otou ‵nofo i te koga maugā tenei.+ 7 Fakatoka o olo atu ki koga maugā o tino Amoli+ mo olotou tuakoi katoa i te Alapaa,+ i koga maugā, ki te Sefila, ki te Nekepi, mo te tafatai,+ te fenua o tino Kanana, mo Lepanona*+ ke oko atu ki te vaitafe lasi, te vaitafe ko te Eufilate.+ 8 Kiloke, ko oti ne fai ne au a te fenua ke tu i otou mua. Olo ki loto i ei kae puke mō koutou te fenua telā ne tauto a Ieova ke tuku atu ki otou tupuga ko Apelaamo, Isaako+ mo Iakopo+ fakatasi mo olotou tama* mai tua ifo i a latou.’+

9 “Kae ne fai atu au ki a koutou i te taimi tenā, ‘E se mafai o takitaki tokotasi ne au koutou.+ 10 Ko oti koutou ne fakatokouke ne Ieova te otou Atua, kae i te aso nei a koutou ko tokouke eiloa e pelā mo fetū o te lagi.+ 11 Ke na fakatokouke koutou+ ne Ieova te Atua o otou tupuga e fakaafe taimi, kae ke fakamanuia ne ia koutou e pelā eiloa mo tena tautoga ne fai ki a koutou.+ 12 E mafai pefea o amo tokotasi ne au te amoga a koutou, kae saga atu foki ki otou fakalavelave mo otou kinauga?+ 13 Filifili aka ne tāgata ‵poto, e atamai, kae apo mai otou matakāiga, kae ka faka‵sopo ne au ke fai mo takitaki o koutou.’+ 14 Ne tali mai koutou ki a au, ‘A te mea ne fai mai ne koe ke fai ne matou se mea ‵lei.’ 15 Tenā ne puke mai ei ne au a ulu o otou matakāiga, ne tāgata ‵poto kae apo, kae faka‵sopo ke fai mo takitaki o koutou, ko takitaki o taki tokoafe, takitaki o taki tokoselau, takitaki o taki tokolimasefulu, takitaki o taki tokosefulu, mo ofisa o otou matakāiga.+

16 “I te taimi tenā ne fakatonu ne au otou famasino, ‘Kafai e ‵logo koutou i se tagi i te va o otou taina, e ‵tau o fakamasino ne koutou i te amiotonu+ a te tagata tenā mo tena taina io me se tino fakaa‵tea.+ 17 E se ‵tau mo koutou o fapito i te faiga o fakamasinoga.+ E ‵tau o fakalogo‵logo koutou ki te tino sē taulia e pelā foki mo te tino takutakua.+ E se ‵tau mo koutou o ma‵taku ki tāgata,+ me i a te Atua te fakamasinoga;+ kae kafai ko tō faigata ki a koutou se tagi, e ‵tau o avaka ne koutou te mea tenā ki a au, kae ka fakalogologo au ki ei.’+ 18 I te taimi tenā, ne fakatonu ne au koutou e uiga ki mea katoa kolā e ‵tau o fai ne koutou.

19 “Tenā ne tiaki ei ne tatou a Holepa kae olo atu i loto i te koga lavaki+ lasi kae fakamataku telā ne lavea ne koutou i te auala ki koga maugā o tino Amoli,+ e pelā eiloa mo te fakatonuga a Ieova ‵tou Atua ki a tatou, kae fakamuli ifo, oko atu ei tatou ki Katesa-panea.+ 20 Ne fai atu au ki a koutou, ‘Ko oko mai nei koutou ki koga maugā o tino Amoli, telā ko tuku mai ne Ieova te ‵tou Atua ki a tatou. 21 Kiloke, ko oti ne tuku mai ne Ieova te otou Atua a te fenua ki a koutou. Olo o puke te fenua mō koutou, e pelā eiloa mo pati ne fai atu ne Ieova te Atua o otou tupuga ki a koutou.+ Sa ma‵taku io me pole‵pole koutou.’

22 “Kae ko koutou katoa ne ‵mai ki a au kae fai mai, ‘Uga atu ne tāgata ke olo i ‵tou mua o iloilo a te fenua mō tatou kae ke aumai ne latou se tala e uiga ki te auala e ‵tau o olo tatou i ei, kae ke iloa foki ne tatou a vaegā fakai ka oko tatou ki ei.’+ 23 Ne ‵lei ki a au a te manatu tenā, filifili ei ne au a tāgata e toko 12 mai i a koutou, e taki tokotasi mai matakāiga takitasi.+ 24 Ne olo aka latou ki luga i koga maugā+ kae oko atu ki te Vanu o Esekolo kae iloilo ne latou. 25 Ne puke ne latou ne nāi fuataga o te fenua kae aumai ne latou ki a tatou, kae fai mai latou, ‘A te fenua ka tuku mai ne Ieova te ‵tou Atua ki a tatou se fenua ‵lei.’+ 26 Kae ne ita koutou ma olo ki ei, kae ‵teke atu koutou ki te fakatonuga a Ieova te otou Atua.+ 27 Ne mui‵mui faeloa koutou i loto i otou faleie kae fai aka, ‘Ona ko te takalialia o Ieova ki a tatou ne aumai ei ne ia tatou ki tua mo te fenua o Aikupito ke tuku atu tatou ki tino Amoli ke fakaseai atu tatou. 28 Se a te vaegā fenua ka olo tatou ki ei? Ko oti ne fakavāivāi ‵tou loto+ ne ‵tou taina i olotou pati, “A tino i ei ne tino e ‵lasi kae ‵loa atu i a tatou, kae ko olotou fakai e ‵lasi kae ma‵luga ki te lagi,+ kae ne lavea ne matou i ei a tama tāgata a tino Anaki.”’+

29 “Kae ne fai atu au ki a koutou, ‘Sa ma‵taku io me pole‵pole i a latou.+ 30 A Ieova te otou Atua ka fanatu i otou mua kae ka taua mō koutou,+ e pelā eiloa mo ana mea ne fai i Aikupito kae ne lavea ne koutou.+ 31 Kae ne lavea ne koutou i te koga lavaki a te auala ne takitaki ei koutou ne Ieova te otou Atua, e pelā eiloa mo se tagata telā e takitaki ne ia tena tama tagata, i so se koga e olo koutou i ei, ke oko ki te taimi ko oko mai ei koutou ki te koga tenei.’ 32 Kae faitalia a mea katoa konei, ne seki fakatuanaki eiloa koutou ki a Ieova te otou Atua,+ 33 telā ne fano i otou mua o iloilo a te koga mō otou ‵nofo. Ne sae mai a ia i se afi i te po kae i se kaumana i te ao ke fakaasi atu ki a koutou a te auala e ‵tau o sa‵sale koutou i ei.+

34 “I taimi katoa konā, ne lagona ne Ieova otou pati ne fai, kae ne kaitaua a ia kae tauto mai,+ 35 ‘E seai se tagata mai te kautama masei tenei ka lavea ne ia te fenua gali telā ne tauto au ke tuku ki otou tupuga,+ 36 kae na ko Kalepo te tama tagata a Iefune. Ka lavea ne ia te fenua, kae ka tuku ne au ki a ia mo ana tama tāgata te laukele ne sasale a ia i ei me ne tautali a ia i a Ieova mo tena loto kātoa.+ 37 (A Ieova ne kaitaua mai foki ki a au ona ko koutou, kae fai mai a ia, “A koe foki ka se ulu ki loto i ei.+ 38 A Iosua te tama tagata a Nuno, telā e tu atu i otou mua,+ ko te tino telā ka ulu ki loto i te fenua.+ Fakamalosi atu a ia,*+ me ko ia tenā ka fai ne ia ke puke ne Isalaelu a te fenua.”) 39 E se gata i ei, a otou tama‵liki kolā ne fai mai koutou me ka puke fakapagota+ mo otou tama tāgata kolā e se iloa ne latou i te aso nei a te ‵lei io me ko te masei, ko latou konei ka ulu atu ki loto, kae ka tuku ne au te fenua ke fai mō latou.+ 40 Kae pelā mo koutou, ‵foki kae olo atu ki te koga lavaki i te auala o te Tai Kula.’+

41 “Kae ne fai mai koutou ki a au, ‘Ko oti ne agasala matou ki a Ieova. Ka olo aka nei matou o taua, e ‵tusa mo te fakatonuga a Ieova te ‵tou Atua ki a tatou!’ Tenā ne puke ei ne koutou taki tokotasi otou meatau o te taua kae ne mafau‵fau koutou me se mea faigofie ke olo aka ki luga i te mauga.+ 42 Kae ne fai mai a Ieova ki a au, ‘Fai atu ki a latou: “E se ‵tau mo koutou o olo aka o taua, me i a au ka se fakatasi atu ki a koutou.+ Kafai koutou e olo, ka fakatakavale koutou ne otou fili.”’ 43 Ne faipati atu au ki a koutou, kae ko koutou ne seki fia faka‵logo. I lō te fai penā, ne ‵teke koutou ki te fakatonuga a Ieova kae taumafai eiloa koutou mo te fakamata‵mata o olo aka ki luga i te mauga. 44 Tenā ne ‵mai ei a tino Amoli kolā e ‵nofo i luga i te mauga tenā o fakafetaui ki a koutou kae afuli kea‵tea koutou e pelā mo mea e fai ne lagofufu, kae fakasalalau atu ne latou a koutou i Seila ke oko eiloa ki Holema. 45 Tenā ne toe ‵foki ei koutou kae kamata o ‵tagi mautuutu i mua o Ieova, kae ko Ieova ne seki fakalogo ki a koutou io me saga atu ki a koutou. 46 Tenā te pogai ne ‵nofo ei koutou i Katesa i te fia o aso.