Salamo
118 Fakafetai atu ki a Ieova, me i a ia e ‵lei;+
A tena alofa fakamaoni e tumau ki te se-gata-mai.
2 Ke fai aka a Isalaelu penei:
“A tena alofa fakamaoni e tumau ki te se-gata-mai.”
3 A latou mai te kāiga o Alona ke fai aka penei:
“A tena alofa fakamaoni e tumau ki te se-gata-mai.”
4 A latou kolā e ma‵taku ki a Ieova ke fai aka penei:
“A tena alofa fakamaoni e tumau ki te se-gata-mai.”
5 Ne kalaga atu au ki a Ioa* i toku puapuaga;
Ne tali mai a Ioa kae aumai ne ia au ki loto i se koga saogalemu.*+
6 A Ieova e kau i toku feitu; ka se mataku eiloa au.+
Ne a mea e mafai ne tino o fai mai ki a au?+
7 A Ieova e kau i toku feitu e pelā me ko toku fesoasoani;*+
Ka kilo atu au mo te manumalo ki a latou kolā e takalia‵lia mai ki a au.+
8 E ‵lei atu ke faka‵lafi ki a Ieova
I lō te tali‵tonu ki tino.+
9 E ‵lei atu ke faka‵lafi ki a Ieova
I lō te tali‵tonu ki pelenise.+
11 Ne fakatamilo ne latou au, ao, ne fakatamilo katoatoa ne latou au,
Kae i te igoa o Ieova,
Ne ‵tuli ei kea‵tea ne au a latou.
12 Ne fakatamilo ne latou au e pelā me ne lagofufu,
Kae ne tamate fakavave latou e pelā me se afi i loto i lakau tala‵tala.
I te igoa o Ieova,
Ne ‵tuli ei kea‵tea ne au a latou.+
13 Ne ‵tule malosi ne latou au* ke siga au,
Kae ne fesoasoani mai a Ieova ki a au.
14 A Ioa ko toku fale fakamalumalu mo toku malosi,
Kae ko fai a ia mo fai toku fakaolataga.+
15 A te leo o te fiafia mo te fakaolataga*
E nofo i loto i faleie o tino amio‵tonu.
A te lima fakaatamai o Ieova e fakaasi mai i ei tena malosi.+
16 A te lima fakaatamai o Ieova e fakamaluga aka ne ia a ia eiloa;
A te lima fakaatamai o Ieova e fakaasi mai i ei tena malosi.+
17 Au ka se mate, ikai, au ka ola eiloa,
Ko te mea ke folafola atu a galuega a Ioa.+
19 ‵Tala mai ki a au a mataloa o te amiotonu;+
Ka ulu atu au ki ei kae ‵viki atu ki a Ioa.
20 Tenei te mataloa o Ieova.
A tino amio‵tonu ka ulu atu ki loto i ei.+
21 Ka ‵viki atu au ki a koe, me ne tali mai koe ki a au+
Kae ne fai koe mo fai toku fakaolataga.
24 Tenei te aso ne fai ne Ieova;
Ka fia‵fia tatou kae ‵lifu i ei.
25 Ieova, fakamolemole, matou e akai atu ke fakaola mai matou!
Ieova, fakamolemole, tuku mai ki a matou te manumalo!
26 Ke manuia a te tino telā e vau i te igoa o Ieova;+
E fakamanuia ne matou a koe mai te fale o Ieova.
27 A Ieova ko te Atua;
E tuku mai ne ia te mainaga ki a tatou.+
28 A koe ko toku Atua, kae ka ‵viki atu au ki a koe;
Toku Atua, ka fakamaluga aka ne au a koe.+