Iopu
37 “A toku fatu ko tuki eiloa i te mea tenei
Kae eva mai i tena koga.
2 Fakalogo faka‵lei ki te ‵gulu o tena leo
Mo te fa‵tili telā e vau mai i tena gutu.
3 E ‵tala mai ne ia a te mea tenā mai lalo o te lagi kātoa
Kae uga atu tena uila+ ki koga ‵mao o te lalolagi.
4 Mai tua i ei ne ‵gulu mai se leo;
E pakū eiloa e pelā me se leo fakamataku,+
Kae e se taofi ne ia te mea tenā māfai ko lagona atu tena leo.
5 A te leo o te Atua e pakū+ eiloa i se auala gali;
E fai ne ia a mea fakaofoofogia kolā e se oko ki ei ‵tou malamalama.+
7 E fakagata ne te Atua a galuega e fai ne tino katoa*
Ko te mea ke iloa ne tāgata taki tokotasi Ana galuega.
8 E olo atu a manu o te vao ki loto i olotou ana
Kae ‵nofo i olotou koga ‵muni.
10 E auala i te mānava o te Atua, ne maua mai i ei te poloka,+
Kae ko vai ‵lasi ko ma‵keke i te aisa.+
11 Ao, e faka‵mafa ne ia a kaumana ki motiga vai;
E fakasalalau atu ne ia tena uila+ i kaumana;
12 E miomio latou i te koga telā ne fakatonu atu ne ia;
E fai ne latou so se fakatonuga+ a ia i luga i kaugutu o te lalolagi nofoaki.*
13 Faitalia me fai penā mō te fakasalaga*+ io me ona ko te laukele
Io me ona ko te alofa fakamaoni, e fai eiloa ne ia ke tupu te mea tenā.+
14 Fakalogo mai ki te mea tenei e Iopu;
Tu kae mafaufau faka‵lei ki galuega fakaofoofogia a te Atua.+
15 E iloa ne koe te auala e pule* atu ei te Atua ki kaumana
Mo te auala e fai ei ne ia te uila ke ‵lapa mai i tena kaumana?
16 E a, e iloa ne koe te auala e tapea‵pea ei a kaumana?+
A mea nei ko galuega fakaofoofogia a te Atua telā e katoatoa ‵lei tena iloa.+
17 Kaia ko ‵vela ei ou gatu
I te taimi e se gasue ei te lalolagi ona ko te matagi mai saute?+
19 Fai mai ki a matou a pati e ‵tau o fai ne matou ki a ia;
E se mafai ne matou o fai se tali me i a matou e ‵nofo i te pouliga.
20 E mata, e ‵tau o fakailoa atu ki a ia me i a au e manako o faipati?
Io me kai isi se tino ne fai atu ne ia se mea telā e ‵tau o fakamatala atu ki a ia?+
21 E se mafai o lavea ne latou te mainaga,
Faitalia me maina i te lagi,
Ke oko ki te taimi ko agi mai ei te matagi kae ave kea‵tea ei a kaumana.
22 E vau mai te feitu ki mātū a te mainaga malipolipo e pelā me se aulo;
A te tulaga ‵malu o te Atua+ e fakaofoofogia.
23 E se mafai ne tatou o malamalama i te Atua Malosi Katoatoa;+
E sili a ia i te malosi,+
Kae e se mafai ne ia o ofa ana fakamasinoga tonu+ kae e ‵fonu eiloa i te amiotonu.+
24 Tela la, e ‵tau o ma‵taku a tino ki a ia.+
Me e se talia ne ia se tino telā e mafaufau i a ia e poto.”*+