TE PESE A SOLOMONA
1 Te pese o pese,* telā ko te pese a Solomona:+
2 “Ke sogi ne ia au ki sogi o tena gutu,
Me i au fakaasiga o te alofa e ‵lei atu i lō te uaina.+
3 E manogi ‵gali eiloa a sinu a koe.+
A tou igoa e pelā me se sinu manogi gali telā ko ‵ligi ki tua.+
Tenā te pogai e fia‵fai ei a tamafine ki a koe.
4 Puke atu au ke olo mo koe; ke na ‵tele tāua.
Ko oti ne ave au ne te tupu ki loto i ana potu tafa ki loto!
Ke na ‵lifu kae fia‵fia fakatasi tāua.
Ke tavae* ne tāua au fakaasiga o te alofa kolā e ‵lei atu i lō te uaina.
E se tioa eiloa o fia‵fai latou* ki a koe.
5 Au e uli, kae taulekaleka, e tama fāfine o Ielusalema,
E pelā mo faleie o Ketala,+ e pelā mo laugatu o faleie+ o Solomona.
6 Sa ‵kilo mai penā ki a au ona ko au e uli,
Me i te la ne ‵kasa mai ki luga i a au.
A tama tāgata a toku mātua ne kaitāua mai ki a au;
Ne ‵tofi ne latou au ke tausi olotou togavine,
Kae ko taku togavine ne seki tausi ne au.
7 Fai mai ki a au, a koe telā e fiafai malosi au ki ei,
Te koga e kai‵kai i ei au lafu mamoe,+
Te koga e fakata‵kato ei ne koe latou i te tutonu.
Kaia e ‵tau ei au o fai pelā me se fafine e ufi i loto i se veli*
I te va o lafu mamoe a ou taugasoa?”
8 “Kafai e se iloa ne koe, e te ‵toe fafine tinogali i fāfine katoa,
Fano o tautali i laga o lafu mamoe
Kae fagai au tamā kouti i tafa o faleie o tausi mamoe.”
9 “Taku pele, ne fakatusa ne au koe ki se* solofanua fafine mai i kaliota a te Falao.+
10 Ko oko eiloa i te ‵gali ou kalafou fakatasi mo teuteuga i ei,
Mo tou ua mo malele molomolo i ei.
11 Ka fai ne matou ne mea fakagali‵gali aulo mō koe
Fakatasi mo mea fakagali‵gali siliva.”
12 “I te taimi e sagasaga ei te tupu i tena taipola pukupuku,
E pusaki atu te manogi o toku sausau.+
13 A taku pele e fai pelā me se ato mulo manogi gali ki a au+
E moe i te po i te va o oku ū.
15 “Kiloke! A koe e tinogali, e taku pele.
Kiloke! A koe e tinogali. Ou mata e pelā mo mata o lupe.”+
16 “Kiloke! A koe e tinogali, e taku akoi, kae mata fiafia.+
A te moega o tāua ko lau o lakau.
17 A ‵saga o tā fale* ko alasi,
A fuafua o tā tuafale ko lakau ko iunipa.
2 “E pelā me se lili i va o lakau tala‵tala
Ko taku pele i va o tama fāfine.”
3 “E pelā me se lakau ko te apolo i va o lakau o te vao,
Ko taku akoi i va o tamataene.
E manako malosi toku loto ke sagasaga i tena malūga,
Kae ko tena fuagalakau e suamalie ki a au.
4 Ne aumai ne ia au ki loto i te fale e fai ei a ‵kaiga,*
Kae ko tena fuka ko te alofa e agiagi i luga i a au.
6 A tena lima fakamaui e tuku mai lalo i toku ulu,
Kae ko tena lima fakaatamai e ‵sai ne ia au.+
7 Ko fakatauto ne au koutou, e tama fāfine o Ielusalema,
E auala i kasele+ mo tia o te vao:
Sa taumafai o fakaala io me fakamalosi aka a te alofa i loto i a au seiloga ke lagona eiloa ne au.+
8 Ko te leo eiloa o taku akoi!
Kiloke! Tenei ko vau,
E kake aka i mauga, e eva i luga i tamā mauga.
9 A taku akoi e pelā me se kasele, e pelā me se tamā tia.+
Tenā a ia, e tu mai i tua o ‵tou ‵pui,
E fatio mai i loto i famalama,
E kilo mai ki loto i mea valavala.
10 Ne faipati taku akoi, ana muna ki a au:
‘Tu ki luga, e taku pele,
E toku fafine tinogali, vau ke olo tāua.
11 Kiloke! A te tau ‵moko* ko seke.
A vaiua ko oti kae ko ‵galo atu.
12 A pulalakau ko ‵somo aka i luga i te fenua,+
Ko oko mai te taimi ke fai te velevelega o lakau,+
Kae ko te pese a te lupe ko lagona atu i te ‵tou fenua.+
13 A te lakau ko te mati ko ‵sulu ana mati muamua;+
A vine ko ‵pula kae ko pusaki mai te lotou manogi.
Tu ki luga, e taku pele, kae vau.
E toku fafine tinogali, vau ke olo tāua.
14 Taku lupe, i ana o kaupapa,+
I koga sē lavea o kaupapa ma‵luga,
Fai ke lavea ne au koe kae ke lagona ne au tou leo,+
Me i tou leo e gali kae ko ou foliga e taulekaleka.’”+
15 “Afuli mai a alope ma tatou,
Ko tamā alope kolā e fakamasei ne latou a togavine,
Me i ‵tou togavine ko ‵fua mai.”
16 “A taku akoi i a aku eiloa kae ko au i a ia.+
E tausi ana mamoe+ i va o lili.+
17 Ke oko ki te taimi ko agiagi mai ei te matagi kae ko galo atu te malūga,
Foki fakavave, e taku akoi,
E pelā mo te kasele+ io me ko te tamā tia+ i luga i mauga i te va o tāua.
3 “I luga i toku moega i po katoa,
Ne ‵sala au ki te tino e fiafai au ki ei.+
Ne ‵sala au ki tou tagata, kae e seki maua eiloa ne au a ia.+
2 Ka tu aka au o fano i loto i te fakai;
I loto i auala mo malae o te fakai,
Ke ‵sala aka te tino e fiafai au ki ei.
Ne ‵sala au ki ei, kae e seki maua eiloa ne au a ia.
3 A tāgata leoleo kolā e tausi ne latou te fakai ne maua ne latou au.+
‘Kai lavea aka eiloa ne koutou te tino e fiafai au ki ei?’
4 E seki leva taku fanoga kea‵tea mai i a latou
Kae maua ne au te tino e fiafai au ki ei.
Ne puke ‵mau au ki ei, kae ne seki tiaki eiloa ne au a ia ke fano
Ke oko ki te taimi ne aumai ei ne au a ia ki loto i te fale o toku mātua,+
Ki loto i te potu tafa ki loto o te fafine telā ne fakafua ne ia au.
5 Ko fakatauto ne au koutou, e tama fāfine o Ielusalema,
E auala i kasele mo tia o te vao:
Sa taumafai o fakaala io me fakamalosi aka a te alofa i loto i a au seiloga ke lagona eiloa ne au.”+
6 “Se a te mea tenei e fanaka mai i te koga lavaki e pelā me se au,
E manogi mulo mo pulu lipano,
Fakatasi mo pauta ma‵nogi katoa a se tino fai pisinisi?”+
7 “Kiloke! Ko te moega o Solomona.
E toko 60 tāgata ‵mafi e fakatamilo i ei,
Mai i tāgata ‵mafi o Isalaelu,+
8 A latou katoa e tofu mo pelu,
Ne fakaakoako katoa ke taua atu,
Ko tino taki tokotasi mo te pelu i tena feitu
Ke puipui ei mai i mea fakama‵taku o te po.”
10 Ana pou ne faite ne ia ki siliva,
Ana lagolago ki aulo.
A tena nofoga ne fai ki vulu lanu violeta;
A tena koga i loto ne teu fakagaligali mo te alofa
Ne tama fāfine o Ielusalema.”
11 “Olo atu, e tama fāfine o Siona,
‵Kilo atu ki te Tupu ko Solomona
E pei ki te kalauna o te fakaipoipoga ne faite ne tena mātua+ mō ia
I te aso o tena fakaipoipoga,
I te aso ne fiafia ei tena loto.”
4 “Kiloke! A koe e tinogali e taku pele.
Kiloke! A koe e tinogali.
Ou mata e pelā mo mata o lupe mai tua o tou veli.
A tou laulu e fai pelā me se lafu kouti
Ko ‵tele ifo mai luga i mauga o Kileata.+
2 Ou nifo e pelā me se lafu mamoe ne fatoa oti ne ‵vele
Kolā ko olo aka mai te kou‵kouga,
A latou katoa e tofu mo te masaga,
Kae e seai eiloa se mamoe ne galo sena tama.
3 Ou laugutu e pelā me se filo lanu kula,
Kae ko tau faipati e fakafiafia.
E pelā me se vaega o te pomekalanite
Ko ou kalafou mai tua o tou veli.
4 A tou ua+ e pelā mo te taoa o Tavita,+
Ne faite ki laina o fatu
Kae ne tau‵tau i ei a talita e afe,
Ko talita puku‵puku katoa a tāgata ‵mafi.+
6 “Ke oko ki te taimi ko agiagi mai ei te matagi kae ko galo atu te malūga,
Au ka fano i toku auala ki te mauga o mulo
Mo te tamā mauga o pulu lipano.”+
7 “A koe e katoatoa tou tinogali, e taku pele,+
E seai eiloa se pona o koe.
8 Vau mai Lepanona ke olo tāua, e te tamafine telā ka fakaipoipo au ki ei,
Vau mai Lepanona ke olo tāua.+
Fanaifo mai te taulu o Amana,*
Mai te taulu o Senila, te taulu o Helemoni,+
Mai i koga ‵muni o leona, mai mauga o lepoti.
9 Ko oti ne maua ne koe toku loto,+ e toku tuagane, e te fafine telā ka fakaipoipo au ki ei,
Ko oti ne maua ne koe toku loto i te taimi fua e tasi ne kilo fakavave mai ei koe,
Mo te vaega fua e tasi o tou malele.
10 Ko oko eiloa i te ‵gali o fakaasiga o tou alofa,+ e toku tuagane, e te fafine telā ka fakaipoipo au ki ei!
A fakaasiga o tou alofa e sili atu i te ‵lei i lō uaina,+
Mo te manogi gali o tou sausau i lō mea fakama‵nogi!+
11 Ou laugutu, e te tamafine telā ka fakaipoipo au ki ei, e ma‵galo eiloa e pelā mo te tinā hani.+
A tou alelo e pelā me se hani mo te susu,+
Kae ko te manogi gali o ou gatu e pelā mo te manogi gali o Lepanona.
12 A toku tuagane, te tamafine telā ka fakaipoipo au ki ei, e fai pelā me se fatoaga e ‵loka,
Se fatoaga e ‵loka, se vaipuna e ‵pono ke ‵mau.
13 Ou kaula* ko te palataiso* o pomekalanite
Fakatasi mo fuagalakau tafasili i te ‵lei, mo hena mo lakau ko te nati,
14 Te nati+ mo te safaloni, kani*+ mo te kinamoni,+
15 A koe se vaipuna i te fatoaga, se vaikeli o vai ‵ma,
Se tamā vai e ‵tafe mai i Lepanona.+
16 Ala mai, e te matagi mai mātū;
Vau ki loto, e te matagi mai saute.
Mānava* atu ki luga i taku fatoaga.
Fai ke pusaki atu tena manogi.”
“Fai ke vau taku akoi ki loto i tena fatoaga
Ke kai ki toe fuagalakau tafasili i te ‵lei.”
5 “Ko oti au ne ulu ki loto i taku fatoaga,+
E toku tuagane, te fafine telā ka fakaipoipo au ki ei.
Ko oti ne tau ne au aku mulo mo aku mea fakama‵nogi.+
Ko oti au ne kai ki taku hani mai ofaga o lagofufu mo taku hani;
Ko oti au ne inu ki taku uaina mo taku susu.”+
“‵Kai, e oku taugasoa pele!
Inu kae ke fia‵fia ki fakaasiga o te alofa!”+
2 “Au ko moe, kae ko toku loto koi ala.+
E lagona ne au te tukituki a taku akoi i te mataloa!”
“‵Tala mai ki a au, e toku tuagane, e taku pele,
Taku lupe, telā e seai sena pona!
Me i toku ulu ko ‵siu i te ‵sau,
Mo toku laulu i te ‵sau o te po.”+
3 “‘Ko oti ne tapale ne au toku gatu ‵loa.
E a, e ‵tau mo au o toe pei ki ei?
Ko oti ne ‵fulu ne au oku vae.
E a, e ‵tau mo au o toe fakalai‵lai oku vae?’
4 Ne ‵futi ne taku akoi a tena lima kea‵tea mo te pūga o te mataloa,
Kae ne ma‵losi eiloa oku lagonaga mō tou tagata.
5 Ne tu aka au o ‵tala te mataloa ki taku akoi;
Oku lima ne moti‵moti mai i ei a mulo,
Kae ko oku matikao lima ko sua o mulo,
Ki luga i kau o te ‵loka.
6 Ne ‵tala ne au ki taku akoi,
Kae ko taku akoi ko fulitua mai kae ko galo atu.
Ne fanoanoa au i te taimi ne fano ei a ia.
Ne ‵sala atu au ki tou tagata, kae ne seki maua eiloa ne au a ia.+
Ne kalaga atu au ki a ia, kae ne seki tali mai a ia ki a au.
7 Ne maua au ne tāgata leoleo kolā e tausi ne latou te fakai.
Ne ta ne latou au, ne fakapakia ne latou au.
Ne puke kea‵tea ne tāgata leoleo o ‵pui a te laugatu e pulou ei toku ulu.*
8 Ko fakatauto ne au koutou, e tama fāfine o Ielusalema:
Kafai e maua ne koutou taku akoi,
Fai ki tou tagata i a au ko masaki i te alofa.”
9 “I te auala fea e sili atu ei te ‵lei o tau akoi i lō nisi akoi aka,
A koe e te ‵toe fafine tinogali?
I te auala fea e sili atu ei te ‵lei o tau akoi i lō nisi akoi aka,
Ko fakatauto ei ne koe matou penei?”
10 “A taku akoi e taulekaleka kae gali tena pa‵kili,
E tu ‵kese eiloa tou tagata mai te fia sefuluafe.
11 A tena ulu e gali e pelā me se aulo, te ‵toe aulo ‵lei.
Ana laulu e fati‵fati e pelā mo kaufui pama,
Kae uli e pelā mo te leveni.
12 Ana mata e pelā mo lupe i tafa o tamā vaitafe,
E kou‵kou i loto i susu,
Kae e saga‵saga i tafa o se vai telā ko ‵fonu maligiligi.
13 Ana kalafou e pelā me se moega o mea fakama‵nogi,+
Se fakaputuga o lau manogi ‵gali.
Ana laugutu ne lili e moti‵moti mai i ei a sua o mulo.+
14 Ana matikao lima ne aulo e teu ki kuate lanu ‵sega.
A tena tinae e maniania e pelā mo nifo o elefane kae ufi ki safaila.
15 Ana vae ne pou mapu e ‵tu i luga i lagolago ne fai ki te ‵toe aulo ‵lei.
Ana foliga e pelā mo Lepanona, e se fakanafagina e pelā mo alasi.+
16 A tena gutu e magalo i a ia eiloa,
Kae ko mea katoa e uiga ki tou tagata e ‵gali.+
Tenei taku akoi, tenei taku pele, e tama fāfine o Ielusalema.”
6 “Tefea te koga ne fano ki ei tau akoi,
E te ‵toe fafine tinogali?
Ko te auala fea ne fano ki ei tau akoi?
Ke na ‵sala ne matou a ia fakatasi mo koe.”
2 “A taku pele ne fano ki tena fatoaga,
Ki te koga e ‵toki ei a lakau fakama‵nogi,
O tausi a mamoe i fatoaga
Kae ke tau mai a lili.+
3 Au i a taku akoi,
Kae ko taku akoi i a aku eiloa.+
E tausi ana mamoe i va o lili.”+
4 “A koe e tinogali eiloa e pelā mo Tilesa,*+ e taku pele,+
E taulekaleka e pelā mo Ielusalema,+
Kae e fakaofoofogia e pelā mo kautau i tafa o olotou fuka.+
5 ‵Fuli ou mata+ kea‵tea mai i a au,
Me e fai i ei au ke manavase.
A tou laulu e fai pelā me se lafu kouti
Ko ‵tele ifo mai luga i ‵sifoga o Kileata.+
6 Ou nifo e pelā me se lafu mamoe
Kolā ko olo aka mai te kou‵kouga,
A latou katoa e tofu mo te masaga,
Kae e seai eiloa se mamoe ne galo sena tama.
7 E pelā me se vaega o te pomekalanite
Ko ou kalafou mai tua o tou veli.
9 Kae e tokotasi fua taku lupe,+ ko ia telā e seai sena pona.
Ko te tama e tokotasi a tena mātua.
Ko te fagasele a te tino ne fanau ne ia a ia.
E lavea ne tama fāfine a tou fafine, kae taku ne latou a ia me e fiafia;
Ko tupu mo avaga fakasalasala, kae tavae ne latou a tou fafine.
10 ‘Ko oi te fafine telā e maina mai* e pelā mo te vaveao,
E tinogali e pelā mo te masina sulu,
E ‵ma pakipaki e pelā mo te mainaga o te la,
E fakaofoofogia e pelā mo kautau i tafa o olotou fuka?’”+
11 “Au ne fanaifo ki te fatoaga o lakau kaina+
Ke kilo atu ki lakau ‵fou ko ola aka i te vanu,
Ke onoono me ko ‵somo aka a vine,
Io me ko ‵fua a lakau ko pomekalanite.
12 Koi tuai o iloa ne au,
Ne fakamalosi aka au ne toku manakoga
Ke fanatu ki kaliota o oku tino tāua.”*
13 “Foki mai, foki mai, e te tamafine Sulami!
Foki mai, foki mai,
Ko te mea ke ‵kilo atu matou ki a koe!”
“Kaia e kilo‵kilo ei koutou ki te tamafine Sulami?”+
“E fai eiloa tou fafine e pelā mo potukau e lua e ‵saka!”*
7 “Ko oko eiloa i te ‵gali o ou vae i loto i ou taka,
E te tama fafine fakaaloalogina!
A maofega i ou kauaga e pelā me ne teuteuga ‵gali,
Ko galuega a se tino apo i te fai mea ki ana lima.
2 A tou pito se pōla pukupuku.
Ke mo a eiloa ma se lava a uaina ne palu i ei.
A tou tinae se fakaputuga o saito,
E fakatamilo ne lili.
3 Ou ū e lua e pelā me ne tamā tia e lua,
Ko masaga a se kasele.+
4 A tou ua+ e pelā me se taoa ne fai ki nifo o elefane.+
A tou isu e pelā mo te taoa o Lepanona,
Telā e saga atu ki Tamaseko.
A te tupu e ofo malosi i te ‵loa o tou laulu.
6 Ko oko eiloa koe i te tinogali, kae ko oko eiloa koe i te gali,
E te tamaliki fafine pele, e sili atu i lō fiafiaga sili katoa!
7 A tou maluga e pelā me se lakau pama,
Kae ko ou ū e pelā mo kaufui pama.+
8 Aku muna, ‘Au ka kake i te lakau ko te pama
O puke ki ana fuaga.’
Ke fai eiloa ou ū e pelā mo kaufui vine,
A tou mānava e pelā mo te manogi o apolo,
9 Kae ko tou gutu e pelā mo te ‵toe uaina ‵lei.”
“Ke ‵sofi malielie ifo ma taku akoi,
E ‵tafe malielie eiloa i luga i laugutu o latou kolā ko ‵moe.
10 Au i a taku akoi,+
Kae ko au ko te manakoga o tena loto.
12 Tāua ka ala vave o olo ki togavine
Ke onoono aka me ko vine ko ‵sae aka,
Me ko pulalakau ko ‵pula,+
Me ko pomekalanite ko ‵fua.+
I konā ka fakaasi atu ei ne au a toku alofa mō koe.+
13 A manutalake*+ ko pusaki mai te lotou ma‵nogi;
E tuku mai i mataloa o tāua ko vaegā fuagalakau kese‵kese.+
Ko mea ‵fou e pelā foki mo mea mua,
Ne tausi ne au mō koe, e taku akoi,
8 “Aku muna loa i a koe ko toku tuagane,
Telā ne faū i ū o toku mātua!
Kafai e maua ne au koe i tua, ko sogi ei ne au a koe,+
Kae ka seai se tino e takalialia mai ki a au.
2 Ka takitaki ne au a koe;
Ka aumai ne au a koe ki te fale o toku mātua,+
Ko ia telā ne akoako ne ia au.
Ka tuku atu ne au a uaina ne palu mo mea fakama‵nogi ke inu koe i ei,
Ko te sua fou o pomekalanite.
3 A tena lima fakamaui e tuku mai lalo i toku ulu,
Kae ko tena lima fakaatamai e ‵sai ne ia au.+
4 Ko fakatauto ne au koutou, e tama fāfine o Ielusalema:
Sa taumafai o fakaala io me fakamalosi aka a te alofa i loto i a au seiloga ke lagona eiloa ne au.”+
5 “Ko oi tenei e vau mai te koga lavaki,
E fakapale ki luga i tena akoi?”
“Mai lalo o te lakau ko te apolo ne ‵fagu ei ne au a koe.
I konā, ne ‵mae ei tou mātua me ko pili o fanau i a koe.
I konā, ne ‵mae ei a te fafine telā ne fanau ne ia koe.
6 Tuku atu au e pelā me se fakamailoga i tou loto,
E pelā me se fakamailoga i luga i tou lima,
Me i te alofa e malosi eiloa e pelā mo te mate,+
Kae e manako ke katoatoa tena fakamaoni e pelā eiloa mo te Tanuga.*
Ana ulaga afi se afi ‵ka eiloa, ko te ulaga afi a Ioa.*+
Kafai e ofo atu ne se tagata a koloa katoa o tena fale ona ko te alofa,
Ka takalia‵lia malosi eiloa ki ei.”
8 “E isi se omotou tuagane foliki,+
Kae e seki ai ne ana ū.
Ne a omotou mea ka fai ki te motou tuagane
I te aso e uga mai ei te fekau ki tou fafine?”
9 “Kafai a ia se ‵pui,
Ka faite ne matou i luga i a ia se ‵pui siliva,
Kae kafai a ia se mataloa,
Ka ‵pono ne matou a ia ki se laupapa alasi.”
10 “Au se ‵pui,
Ka ko oku ū e pelā me ne taoa.
Tela la, i ana mata ko fai au
E pelā me se tino ko maua ne ia te filemu.
11 E isi se togavine a Solomona+ i Paala-hamona.
Ne tuku ne ia te togavine ki tino tausi.
Ne aumai ne tino taki tokotasi a tupe siliva e afe mō ana fuataga.
12 E isi eiloa saku togavine.
A tupe siliva e afe i a koe, e Solomona,
Kae e lua selau ki a latou kolā e tausi ne latou ana fuataga.”
13 “A koe telā e nofo i loto i fatoaga,+
Oku taugasoa e fakatali‵tali ke lagona ne latou tou leo.
Fai aka ke lagona ne au.”+
14 “Fakavave mai, e taku akoi,
Kae tele ke makini e pelā me se kasele+
Io me se tamā tia
I luga i mauga o mea fakama‵nogi.”
Io me “Te pese tafasili i te gali.”
Io me “fakamatala.”
Kolā ko tamafine.
Io me “se veli o te fanoanoa.”
Io me “taku.”
Se lakau e manogi gali ana pula; kae ko ana lau e fai ki ei a vali lanu kula kae lanu kakī.
Io me “fale gali.”
Epelu, “safaloni.”
Io me “se koga laugatasi i te tafatai.”
Epelu, “te fale o uaina.”
Io me “te vaitaimi e ‵to ei vaiua.”
Se moega e ufi faka‵lei kae fakaaoga mo sau se tino tāua.
Io me “Mauga i te suā feitu o Mauga o Lepanona.”
Io me kāti, “pa‵kili.”
Io me “fatoaga.”
Se mouku telā e isi sena manogi.
Io me “Agi malie.”
Io me “veli.”
Io me “Fakai Gali.”
Epelu, “kilo ifo.”
Io me “loto fesoasoani.”
Io me “te ‵saka mai i Manaima.”
Onoono ki te fml i te Ken 30:14.
Io me “Seoli,” telā ko te tanuga masani o tino. Onoono ki te FP.
A “Ioa” ko te fakatoetoega o te igoa o Ieova.