Se a te Loto o te Atua?

E manako te Atua ke ola tatou i te filemu mo te fiafia i te lalolagi palataiso ki te se-gata-mai!

Kae e mafai o mafaufau koe penei, ‘E mafai pefea o tupu te mea tenā?’ E fai mai te Tusi Tapu me ka mafai eiloa o fai ne te Malo o te Atua, kae ko te loto foki o te Atua ke tauloto a tino katoa e uiga ki te Malo mo tena fuafuaga mō tatou.​—Salamo 37:11, 29; Isaia 9:7.

E manako te Atua ke maua ne tatou a mea aoga.

E pelā eiloa mo se tamana ‵lei telā e manako ke maua ne ana tama‵liki a toe mea ‵lei, e manako foki te ‵tou Tamana faka-te-lagi ke maua ne tatou a te fiafia tumau. (Isaia 48:17, 18) Ko oti ne tauto mai a ia me i “te tino telā e fai ne ia te loto o te Atua ka tumau eiloa ki te se-gata-mai.”​—1 Ioane 2:17.

E manako te Atua ke sa‵sale tatou i ana auala

E fai mai te Tusi Tapu me e manako te ‵tou Mafuaga ke “akoako mai ne ia tatou ki mea e manako a ia ke fai ne tatou” ko te mea ke mafai ne tatou o ‘sa‵sale i ana auala.’ (Isaia 2:2, 3) Ko oti eiloa ne fakatoka ne ia a “tino mō tena igoa” ko te mea ke fakailoa atu tena loto ki te lalolagi kātoa.​—Galuega 15:14.

E manako te Atua ke ‵kau fakatasi tatou i te tapuakiga ki a ia.

I lō te faiga ke mavae‵vae a tino, e fai ne te tapuakiga ‵ma a Ieova ke ‵kau fakatasi latou i te alofa tonu. (Ioane 13:35) Ko oi i aso nei e akoako ne latou a tāgata mo fāfine i koga katoa ke tavini atu mo te fealofani ki te Atua? E ‵kami ne matou koe e auala i te polosiua tenei ke ‵sala atu eiloa koe ki a latou.