Faipati mo te Alofa mo te Loto Malamalama

1 Tesalonia 2:7, 8

MEA E ‵TAU O FAI: Faipati atu mo ou lagonaga ‵tonu, kae fai ke lavea ne au tino fakalogo‵logo a tou atafai.

TE AUALA KE FAI EI:

• Mafaufau ki au tino fakalogo‵logo. Fakatoka tou loto mai te fakamasaua ifo ki a koe eiloa a fakalavelave e fepaki mo latou. Taumafai o fakaataata i tou mafaufau olotou lagonaga.

• Filifili faka‵lei au pati. Taumafai o fakamalosi, fakamafanafana, kae ati aka te loto taumafai i au tino fakalogo‵logo. Kalo kea‵tea mai tugapati kolā e mafai o fai ei latou ke kaitāua, kae ke mo a ma faipati sē ‵lei koe e uiga ki tino sē tali‵tonu io me ki olotou talitonuga kolā e taofi ‵mau latou ki ei.

• Fakaasi atu tou fiafia tonu. E auala i se leo alofa mo tāga kolā e fetaui ‵lei, fai ke lavea ne au tino fakalogo‵logo a tou atafai. Ke masaua o fakaasi atu te mea tenei i foliga i ou mata; ke fakamisikata faeloa.