Fakasologa o Mataupu

Ne fai faeloa a te usu pese mo fai se vaega tāua o te tapuakiga mō tino o Ieova. Kae e se mafai ne nisi tino o usu atu i mua o tino e tokouke. E mafai pefea o manumalo tatou i te manavase ke fakaaoga ‵tou leo i te usuatuga o tavaega ki a Ieova? E tuku mai i te mataupu tenei a pogai ‵lei ke usu pese atu tatou mo te fiafia kae tuku mai foki a nai manatu fesoasoani ke momea aka te ‵lei o ‵tou leo i te usuusu.

E mafai o tauloto tatou ki akoakoga tāua mai te fakatokaga o fa‵kai faka‵lafi i Isalaelu mua. I te mataupu muamua, onoono ki auala e mafai ne tino agasala o faka‵lafi ki a Ieova i aso nei. I te lua o mataupu, onoono ki te auala e fesoasoani mai ei a te fakaakoakoga a Ieova ki a tatou ke fakamagalo a nisi tino, ke āva ki te ola, kae ke gasuesue mo te fakamaoni.

E fakavae a mataupu e lua konei ki pati fakaosofia a Paulo ki Kelisiano i Kolose. E fakamatala mai i te mataupu muamua a mea e ‵tau o fai māfai ko lagona ne tatou a manatu faka-te-lalolagi kolā e foliga ‵gali io me ‵tonu. E fakamasaua mai ne te lua o mataupu a te auala ke ‵kalo keatea mai i kilokiloga kolā e mafai ei o ave keatea mai i a tatou a fakamanuiaga kolā ko oti ne folafola mai ne Ieova.