Faka‵pulaga

◼ Tusi kolā e ofo atu i a Fepuali: E mafai o ofo atu ne tino talai a te tusi ko Te Auala e Maua ei ne se Kāiga te Fiafia Tonu. Mati: Ne a Mea e Akoako ‵Tonu Mai i te Tusi Tapu? Taumafai ke kamata ne a‵koga faka-te-Tusi Tapu. Apelila mo Me: Ke ofo atu a Te Faleleoleo Maluga. Kafai e toe asi atu ki tino fia‵fia, e aofia i ei a latou kolā ne ‵kau atu ki te Fakamanatuga io me ko nisi fakatasiga faka-Kelisiano kae e se masani o ‵kau mai sāle ki fakatokaga a te fakapotopotoga, ke ‵saga tonu atu o kamata a a‵koga faka-te-Tusi Tapu mai te fakaaogaga o te tusi ko te Akoakoga a te Tusi Tapu.

◼ E ‵tau mo te failautusi mo te ovasia o te galuega talai o toe onoono ki lipoti o paenia i te kamataga o Mati ke lavea atu ei a taumafaiga a paenia i te kamataga o te tausaga faka-te-taviniga. Kafai koi isi ne paenia koi manakogina ke taumafai, e ‵tau mo toeaina o fesoasoani kae fakamalosi atu ki a latou.

◼ E ‵tau o fai ne toeaina a fakatokaga ‵lei mai mua o te Fakamanatuga, telā ka fai i te Aso Lua, po 30 o Mati, 2010. Ke fakamautinoa aka me e se ‵tau o fakasoa atu a te falaoa mo te uaina a koi tuai o tō te mata o te la i te po 30. So se uaina ‵kula telā e se magalo, io me se ‵kava e ‵lei eiloa ma fakaaoga. Kafai e seai se uaina ‵kula e toka, ke fakailoa atu ki se fakapotopotoga tai pili atu io me ke fakailoa atu ki te ovasia o te fenua.