Faka‵pulaga

◼ I te taimi e maua ei a ‵kopi o Te Faleleoleo Maluga mo te Awake, e ‵tau o tufa atu ki tino talai, ko te mea ke fai‵tau latou ki fakamatalaga i te mekesini a koi tuai o tufa atu i te galuega talai.

◼ Ka fai a te Fakamanatuga i te Aso Lua, te po 30 o Mati, 2010. Kafai e fai sāle a fakatasiga a te otou fakapotopotoga i Aso Lua, e ‵tau o fai a taumafaiga ke ‵fuli a te aso e fai ei te fakatasiga i te vaiaso tenā. E pelā mo fakapotopotoga e uke kolā e fai olotou fakatasiga i se Kingdom Hall e tasi kae se mafai o ‵fuli te taimi e fai ei te fakatasiga, e mafai o fakaseai i ei se fakatasiga. E mafai o fai a tofiga i te Fakatasiga mō te Galuega Talai kolā e tāua malosi ki te fakapotopotoga i te suā Fakatasiga mō te Galuega Talai.

◼ Mati 2010: Ne a Mea e Akoako ‵Tonu Mai i te Tusi Tapu? Taumafai malosi ke kamata ne a‵koga faka-te-Tusi Tapu.

◼ Apelila mo Me 2010: Te Faleleoleo Maluga mo te Awake! Kafai ko āsi atu ki tino fia‵fia, e aofia i ei a tino kolā ne ‵kau atu ki te Fakamanatuga io me ko fakatasiga faka-Kelisiano kae se masani o ‵kau atu ki fakatokaga a te fakapotopotoga, ke ‵saga tonu atu o fai a a‵koga faka-te-Tusi Tapu mai te fakaaogaga o te tusi ko te Akoakoga a te Tusi Tapu.

◼ Iuni 2010: Ne a Mea e Akoako ‵Tonu Mai i te Tusi Tapu? Kafai ko oti ne maua ne te tino i te fale a te tusi e mafai o ofo atu ne tino talai so se tusi telā e 192 ana itulau io me ko so se tusi telā ne ‵lomi mai mua o te 1995.

◼ Iulai mo Aokuso 2010: So se polosiua telā koi ‵toe. E ‵tau o fai a taumafaiga ke fakafoliki aka te aofaki o tusi e tufa atu mai te fakaaogaga o polosiua mua. Mai tua o te ofoatuga o te polosiua e mafai o takitaki atu a te fiafia o te tino mo te fakamoemoega ke kamata se akoga faka-te-Tusi Tapu i te tusi ko te Akoakoga a te Tusi Tapu.

◼ Setema 2010: Ne a Mea e Akoako ‵Tonu Mai i te Tusi Tapu? Taumafai malosi ke kamata se akoga faka-te-Tusi Tapu i te āsiga muamua.