Faka‵pulaga

◼ Apelila mo Me 2010: Ke ofo atu a mekesini ko Te Faleleoleo Maluga. Kafai e toe āsi atu ki tino fia‵fia, e aofia i ei a latou kolā ne ‵kau atu ki te Fakamanatuga io me ko nisi fakatasiga faka-Kelisiano kae e sē masani o ‵kau sāle mai ki fakatokaga a te fakapotopotoga, ke ‵saga tonu atu o kamata a a‵koga faka-te-Tusi Tapu mai te fakaaogaga o te tusi ko te Akoakoga a te Tusi Tapu. Iuni 2010: Ne a Mea e Akoako ‵Tonu Mai i te Tusi Tapu? Kafai ko oti ne maua ne te tino i te fale a te tusi, e mafai o ofo atu ne tino talai so se tusi telā e 192 a itulau i ei kae ne ‵lomi mai mua o te 1995. Iulai mo Aokuso 2010: E mafai o fakaaoga ne tino talai so se polosiua telā e 32 a itulau i ei. E ‵tau o taumafai malosi tatou ke fakaaoga a polosiua kolā ne mai muamua a koi tuai o toe ōta mai ne tusi ‵fou.

◼ E ‵tau o fakamautinoa aka ne te ovasia tausi o te kau toeaina ke suke a tupe a te fakapotopotoga i taki tolu masina katoa. E ‵tau o fai a te mea tenei i a Ianuali, Apelila, Iulai mo Oketopa kae e ‵tau o aofia i ei a te tala tupe i masina e tolu mai mua atu i ei. E ‵tau o isi se faka‵pulaga toetoe e fai māfai ko oti ne suke a tupe i te Fakatasiga mō te Galuega Talai kae ke fakasolo faka‵lei. Kafai e isi se fakalavelave ne maua aka i te taimi telā e suke ei a tupe, e ‵tau o faka‵tonu faka‵lei aka, ko fai fakamuli ei a te faka‵pulaga ki te fakapotopotoga.

◼ E ‵tau o fakailoa atu muamua a faka‵pulaga katoa ki te ovasia o te kau toeaina. E ‵tusa mo te fakatakitakiga mai i te fakapotopotoga kātoa e uiga ki fakatokaga ‵fou o ‵tou fakatasiga, ka faka‵piki a te ukega o faka‵pulaga ki te laupapa o faka‵pulaga i lō te faitau atu i te taimi o te Fakatasiga mō te Galuega Talai.