Pati e Mafai o Fai Atu e Uiga ki Mekesini

Te Faleleoleo Maluga Novema 1

“Se a tau faka‵tau, e mata, e tāua ‵ki eiloa ke iloa ne tatou a te tino e ‵talo tatou ki ei? [Faka‵tali ki se tali.] Mafaufau la ki pati a te Tusi Tapu e uiga ki ‵talo a nisi tino kolā ne fai i aso mua. [Faitau te 1 Tupu 18:29.] Ke fakamautinoa aka me e maua ne tatou a tali ki ‵tou talo, e ‵tau o iloa ‵lei ne tatou a te tino tonu telā e ‵talo atu tatou ki ei.” Ke onoono ki te mataupu telā e kamata i te itulau e fa.

Te Faleleoleo Maluga Tesema 1

“E ma‵nako katoa tatou ke maua te lotomalie. Se a tau faka‵tau, e mata, e manakogina ne tatou a tupe ke maua ei te lotomalie? [Faka‵tali ki se tali.] Ne tauloto ne se tino tusitala i te Tusi Tapu a te auala e maua ei te lotomalie i te taimi e mu‵tana fua i ei a mea e maua ne ia. [Faitau te Filipi 4:11, 12.] E fakaasi mai i te mekesini tenei a auala e lima e uiga ki te lotomalie kolā e maua i te Tusi Tapu.”