Faka‵pulaga

□ Tusi kolā ka ofo atu i te masina o Ianuali: Ne a Mea e Akoako ‵Tonu Mai i te Tusi Tapu? Kafai ko maua ne tino i te fale a te tusi, e mafai o ofo atu ne tino talai so se tusi telā e 192 ana itulau telā ko oti ne ‵lomi io me ko so se tusi telā ne ‵lomi mai mua o te 1995. Fepuali: E mafai o ofo atu ne tino talai a te tusi tenei: Te Auala e Maua ei ne se Kāiga te Fiafia Tonu. Mati: Ne a Mea e Akoako ‵Tonu Mai i te Tusi Tapu? Taumafai malosi ke kamata ne a‵koga faka-te-Tusi Tapu. Apelila mo Me: Ke ofo atu a Te Faleleoleo Maluga mo te Awake! Kafai ko toe āsi atu ki tino fia‵fia, e aofia i ei a latou kolā ne ‵kau atu ki te Fakamanatuga io me ko nisi fakatasiga kae e se masani o ‵kau mai sāle ki fakatokaga a te fakapotopotoga, ke na saga tonu atu ki te kamataga o a‵koga mai te fakaaogaga o te tusi ko te Akoakoga a te Tusi Tapu.

□ Ko oti ne ‵tau o oti ne suke a tupe a te fakapotopotoga i te masina o Tesema. Kafai e seki fai, e ‵tau o fai ne te ovasia o te kau toeaina a fakatokaga ke fai fakavave. Kafai e isi ne fakalavelave e ‵sae aka, e ‵tau o ‵saga fakavave atu ki ei a toeaina kae faka‵tonu aka. Kafai ko oti ne suke a tupe, e ‵tau o faka‵pula atu ki te fakapotopotoga me ko oti ne fai.