E Mata, e Iloa ne Koe a Mea e Mafai o Filifili Koe ki ei?

Ko gasolo o uke atu nei a fa‵kaimasaki i te lalolagi kātoa e fai i ei a tipitipiga e aunoa mo te toto. E mata, ko iloa katoatoa ne koe a filifiliga e uiga ki te ‵tipitipiga e aunoa mo te toto kolā ko avanoa nei? E ‵tau o iloa ne koe ko te mea ke fai a fakaikuga mautinoa e aofia i ei te fakaaogaga o vailakau mo te ‵tipitipiga. Ke onoono ki te vitio ko te No Blood​​—Medicine Meets the Challenge. Kafai ko oti, ke ‵talo atu e uiga ki tau fakaikuga kae toe onoono ki mea ne tauloto ne koe fakatasi mo te fesoasoani o fesili kolā ne fakatoka atu i konei.​​—Fakamasauaga: Ona ko te mea e aofia i te vitio a ata o tipitipiga, e ‵tau mo mātua o filifili aka mo te poto me e ‵lei ma onoono fakatasi latou mo tama‵liki i te vitio tenā.

(1) Se a te pogai tāua e se talia ei ne Molimau a Ieova a te ‵suki ki te toto? (2) E uiga ki togafiti fakatokita, ne a mea e ma‵nako ki ei a Molimau a Ieova? (3) Se a te saolotoga fakavae e maua ne tino ma‵saki? (4) Kaia e ‵lei ei kae se tiute foki ke filifili aka ne koe a togafiti kolā e se fakaaoga i ei te toto? (5) Kafai e lasi te toto e fano, ne a mea tāua e lua e ‵tau o fai ne tokita? (6) Ne a fakatakitakiga e fa kolā e fakavae ki ei a togafiti e aunoa mo te ‵suki ki te toto? (7) E mafai pefea ne tokita o (a) fakafoliki a te ‵sali o te toto, (e) tausi a sela kula, (i) fakalasi te toto, mo te (o) sui a toto kolā ne ‵sali ki tua? (8) Fakamatala mai a faifaiga kolā e fakaigoa ki te (a) hemodilution mo te (e) tausiga o sela (cell salvage). (9) Se a te mea e ‵tau o fakailoa atu ki a koe e uiga ki so se togafiti telā e se fakaaoga i ei te toto? (10) E mata, e mafai o fai a tipitipiga ‵lasi kae faiga‵ta e aunoa mo te ‵suki ki te toto? (11) Se a te faifaiga aoga ko fai nei ne latou kolā e ga‵lue i te tausiga o te ola ‵lei?

A te taliaga o nisi togafiti kolā e fakaasi mai i te vitio ne mea eiloa kolā e ‵tau o fai ne fakaikuga totino ki ei e ‵tusa mo lagonaga o tino taki tokotasi kolā ko oti ne akoakogina ki mea faka-te-Tusi Tapu. E Mata, ko oti ne fai ne koe se fakaikuga mautinoa e uiga ki togafiti fakatokita mo auala kolā e talia ne koe mō koe eiloa mo au tama‵liki, ko faka‵fonu ei te pepa ko te Advance Medical Directive? Kafai ko oti ne sau‵tala ki mea konei, ke suke‵suke faka‵lei ki te “Fesili Mai te Kau Fai‵tau” i Te Faleleoleo Maluga i a Iulai 1 2004, mo Novema 1, 2000. Ko fakaaoga ei te pepa i loto i te pepa fakaopoopo i Te ‵Tou Galuega Talai i a Novema, 2006, “How Do I View Blood Fractions and Medical Procedures Involving My Own Blood?” ke fai au fakaikuga totino e uiga ki filifiliga kolā ka talia ne koe io me ka se talia ne koe. Kae masaua me ka tusi faka‵lei ki lalo au fakaikuga i te pepa ko te Advance Medical Directive. E ‵tau o iloa ‵lei ne te tino e tausi ne ia koe pelā foki mo ou kāiga kolā e se ne Molimau a tau fakaikuga.

[Box on page 2]

• E mata, kai fakaiku aka ne koe a togafiti fakatokita mo fakatakitakiga kolā ka talia ne koe mo au tama‵liki?

• E mata, e tauave ne koe te pepa ko te Advance Medical Directive telā ko oti ne faka‵fonu i taimi o fakalavelave ‵tupu fakafuasei?