Fesili Mai i te Akoga mō Tino Talai

Ka fai a fesili i te Akoga mō Tino Talai i te vaiaso e kamata i a Tesema 26, 2011.

1. E fesoasoani mai pefea a pati fakatonutonu i te Faataoto 30:32 ke ‵kalo keatea tatou mai i te fakaitaita atu ki se tino telā kāti ne fai ne tatou ke ita? [w10 1/6 itu. 25 pala. 7]

2. Se a te vaegā ‘fakafiafiaga’ e mafai ei o maua ne se tino a te fiafia tonu? (Fai. 2:1) [w08 1/4 itu. 26, pala. 4, 5, 14]

3. E tiga eiloa e fakaiku aka ne nisi tino me i pati a Solomona i te Failauga 3:1-9 e ‵lago atu ki te talitonuga me ne fakatoka ne te Atua a ‵tou olaga, e fakamaina faka‵lei mai pefea a te mataupu tenei i ana pati i te Failauga 9:11, telā e fakaasi manino mai i ei me e se fakaiku aka a mea katoa i te olaga ne te talitonuga tenā? [w07 1/2 itu. 13 pala. 7]

4. Kaia e fakamataku ei a te “manako ke tō ‵lei koe”? (Fai. 7:16) [w10 1/10 itu. 16 pala. 8, 9]

5. E fakaasi mai pefea ne te Pese a Solomona 2:7 me se mea poto mō latou kolā e mafau‵fau o a‵vaga ke mo a ma tō fakavave i te filifiliga o se avaga? [w06 1/12 itu. 18 pala. 4]

6. Se a te mea fakaofoofogia e uiga ki te tamafine Sulami i ana “laugutu e magalo pelā me se hani” kae ko ‘tena alelo e pelā me se susu mo te hani’? (Pese 4:11) [w06 1/12 itu. 19 pala. 7]

7. E tuku mai pefea ne tofi konei ko “te Pule Sili,” “te Atua Malosi,” mo “te Tamana ki te se gata mai” a te malamalama ki a tatou e uiga loa ki uiga o Iesu mo tena pulega i te lalolagi fou? (Isa. 9:6) [w91 1/9 itu. 5 pala. 7]

8. Ko oi i aso nei e mafai o fakatusa ki te “fenua fapaupau” o Isalaelu, kae ko oi ka tavini atu e pelā me ko te “pago” a Ieova ke fakaseai atu? (Isa. 10:5, 6) [w11 1/1 itu. 10 pala. 5; w06 1/12 itu. 30 pala. 4]

9. Kaia e fakaofoofogia ei a te valoaga a Isaia e uiga ki a Papelonia me ka “se toe ai ne tino e toe ‵nofo i te koga tenā,” kae se a te mea e fakatalitonu mai i tena fakataunuga ki a tatou i aso nei? (Isa. 13:19, 20) [bh itu. 24, 25 pala. 16]

10. Ko te taimi fea ne maua ei ne Iesu a te “kī o te ofisa” i te gafa o Tavita, kae ne fakaaoga pefea ne ia a te kī tenā? (Isa. 22:22) [w09 1/1 itu. 22 pala. 2]