Faka‵pulaga

◼ Tusi ka ofo atu i te masina o Fepuali: Te Auala e Maua ei te Fiafia i te Kāiga. Mati: Ne a Mea e Akoako ‵Tonu Mai i te Tusi Tapu. Apelila mo Me: Te Faleleoleo Maluga.

◼ Tenei te matua o te lauga fakapito telā ka fai i te Aso Sa mai tua o te Fakamanatuga “E a, e Mafaufau Koe me Koi ‵Mao Eiloa te Gataga?”

◼ I so se taimi e fai ei au fakatokaga ke faimalaga atu ki se fenua telā e se tusi ‵tonu mai i te lipoti mō te tausaga faka-te-taviniga fakamuli nei io me e se taku mai tena fakatuatusi i te ‵toe itulau o te Yearbook fou, fakamolemole, ke fesokotaki atu ki te otou ofisa lagolago ke iloa ne koe a nisi mea kolā e ‵tau o fakaeteete i ei io me ne fakatonuga fakapito e ‵tau o tau‵tali atu ki ei. Kāti e isi ne fakataputapuga mautinoa ki te galuega o te Malo i te koga tenā. (Mata. 10:16) I nisi fenua, e mafai o se ‵lei ke fesokotaki atu a tino asiasi ki Molimau i ei io me ko fakapotopotoga. E mafai o tuku atu a nisi fakatakitakiga e uiga ki te talai i taimi seki fuafuagina io me ko te aveavega o tusi. A tou fakalogo ki takitakiga e tuku mai ka mafai o puipui ei koe mai i fakalavelave io me ko te galuega talai i te fenua e āsi atu koe ki ei.—1 Koli. 14:33, 40.