“A‵lofa ki te Kautaina Kātoa”
Ne tusi ki lalo a pati fakaosofia konei toeitiiti ko kātoa te lua afe tausaga ko ‵teka. (1 Pe. 2:17) Kae tenei te taimi ko ‵tau o momea aka te fakagalue ne tatou o pati konā i lō aso mua! E mafai pefea o fakaasi atu ne tatou te alofa ki se matugā kautaina lasi i te lalolagi kātoa? Kae i te lalolagi sē alofa tenei, e mafai pefea o fakamautinoa aka ne tatou me e se matafitafi atu te ‵tou a‵lofa? (Mata. 24:12) Onoono aka me e mafai o tali aka ne koe a fesili konei mai lalo, i te taimi e onoono ei koe ki te vitio ko te Our Whole Association of Brothers.
(1) Ko te taimi fea ne fakamautinoa aka ei tatou ke fai mo vaega o te ‵tou kautaina Kelisiano? (2) Ne a galuega e tolu e ‵pau ei tatou mo ‵tou kautaina i te lalolagi kātoa? (3) E fakaasi atu pefea ne ‵tou taina a te ‵mautakitaki i te lotou fakaikuga ke talai atu? (a) i te koga lavaki i Alaska, (e) i taulaga ‵lasi o Eulopa, mo te (i) togavao lasi o Peru? (4) Kaia e se ‵tau lele eiloa mo tatou o mafaufau me i te galuega talai se galuega masani fua? (5) Tuku mai ne fakaakoakoga e uiga ki auala ne fakatau fakamafanafana kae fakatau fesoasoani atu ei a Molimau a Ieova (a) mai tua o se mafuie, (e) mai tua o se alikeni, (i) i taimi o taua? (6) Ne a auala aoga e mafai ei o fakaasi atu ne tatou a te tinā fakailoga sili o ‵tou kautaina Kelisiano? (Ioane 13:35) (7) Ne a mea aoga e maua mai i te ga‵lue fakatasi ke faite ‵tou Kingdom Hall? (8) Ne fakatumau pefea ne ‵tou taina i Eulopa ki Saegala mo Lusia a te lotou malosi faka-te-agaga i te taimi ne fakatapu ei te galuega? (9) Ne a taumafaiga ‵lasi e fai ne Molimau e tokouke ko te mea ke ‵kau atu latou ki fono, kae kaia? (10) E fakamalosi aka pefea ne te vitio tenei a tau fakaikuga ke (a) tapuaki atu ki a Ieova i fakatasiga Kelisiano i te fealofani mo ou taina, (e) fesoasoani atu ki nisi tino i taimi o fakalavelave, mo te (i) talai atu mo te fakamaoni i so se koga mo so se auala e mafai ei ne koe o fai penā? (11) Se a te auala mo te taimi e mafai ei o fakaaoga ne tatou a te vitio tenei i te galuega talai?
A te pogai tāua e fai tatou mo fai se vaega o ‵tou kautaina Kelisiano ko te ‵tou a‵lofa ki a Ieova. E fia‵fia malosi tatou ke tauloto kae akoako atu foki a nisi tino e uiga ki a ia. Kae e a‵lofa tatou ki tino kolā e alofa ki ei a Ieova. Kafai e fesoasoani atu tatou i taimi o fakalavelave, e se fakamoe‵moe eiloa tatou ke alofa mai te Atua ki a tatou. I lō te fai penā, e fakafetai tatou ki te Atua me e ‵kilo atu eiloa tatou ki ‵tou kautaina Kelisiano e pelā me se meaalofa tāua mai i a ia. I te taimi tenei ko pili ei o palele atu a aso fakaoti o te lalolagi sē alofa tenei, ke na tumau eiloa tatou i te fakaasi atu o te alofa ki te kautaina kātoa!