Ke Fakaaoga Faka‵lei a Mekesini Mua

Ona ko te mea e se aoga a mekesini mua ki so se tino māfai e ‵teu aka io me e ‵pei keatea, e ‵tau o taumafai tatou ke tufatufa atu. E mafai eiloa o fakamalosi aka ne se mekesini e tasi a te fiafia o se tino ki te munatonu kae fakamalosi aka ke kamata o kalaga atu ki te igoa o Ieova. (Loma 10:13, 14) Konei la a nisi manatu fesoasoani ki te auala e mafai ei o fakaaoga faka‵lei a mekesini mua.

• Kafai e talai atu i koga talai kolā e se ga‵lue ‵soko i ei, kāti e mafai o tuku atu ne koe se ‵kopi, i se koga e se lavea ne tino, i fale kolā e seai ne tino i ei.

• Kafai e talai atu i koga kolā e faka‵tali ei a tino, e pelā mo koga faka‵tu pasi io me ko tuleini, ke fesili atu ki tino me e ma‵nako latou o fai‵tau ki se mea, ko fakaasi atu ei a nai mekesini mua, kae tuku atu loa ke filifili ne latou.

• Kafai e āsi atu ki fale ‵ta gatu, fale tausi tino ma‵tua, io me ko vaegā koga penā i koga talai o te otou fakapotopotoga, ke tuku atu a nai lōmiga mua i koga kolā e faka‵tali i ei a tino. Se mea ‵lei ke fanoi muamua ki te tino pule māfai e nofo atu a ia i konā. Kafai e lavea ne koe me e isi ne mekesini i konā, ke se toe tuku atu a nisi mekesini.

• Kafai ko fai au toe asiga, mafaufau ki te fia‵fia o tino taki tokotasi kolā e mafaufau koe o āsi atu ki ei. E mata, e isi sena kāiga? E mata, e fia fano malaga sāle a ia? E mata, e fiafia a ia ki te fai fatoaga? Ke onoono atu ki lōmiga mua o mekesini me e isi se mataupu i ei telā e mafai o fia faitau a ia ki ei, kae ke fakaasi atu ki a ia māfai e toe foki atu.

• Kafai e maua ne koe se tino fiafia i te fale mai tua o taumafaiga e uke ke fesokotaki atu ki a ia, ke fakaasi atu a nisi mekesini mua kolā kāti e seki maua ne ia.