Te Lipoti Toetoe o te Galuega Talai

I te masina o Apelila, ne fia‵fia eiloa ‵tou taina pele i te fenua o Kilisimasi ki te āsiga a te Ovasia o te fenua mo tena avaga. E toko 14 tino talai i luga i te fenua e tasi tenei o Kilipati, e akoako ne latou a tino e silia atu mo te toko 40 ki te Muna a te Atua ko te Tusi Tapu. A te mea tāua ne tupu i te āsiga tenei ko te papatisoga o se tino e tokotasi ke fakamailoga ei tena tukuatuga ki a Ieova te Atua. E se gata i ei, e toko 56 te aofaki o tino ne ‵kau atu ki te Fakamanatuga i a Apelila 14, 2014.