Faka‵pulaga

◼ Tusi kolā ka ofo atu i te masina o Setema mo Oketopa: Te mekesini ko Te Faleleoleo Maluga. Novema mo Tesema: Ne a Mea e Akoako ‵Tonu Mai i te Tusi Tapu? io me se tasi o tamā pepa konei: E Mata, e Mafai o Toe Ōla Mai a Tino ‵Mate?, Se a Tau Kilokiloga ki te Tusi Tapu?, Se a Tau Kilokiloga ki Aso Mai Mua?, E Maua Pefea ne Tatou se Olaga Fiafia i te Kāiga?, Se a te Malo o te Atua?, Ko oi e Pule Tonu Atu ki te Lalolagi?, E Mata, ka Gata Atu Eiloa a Logo‵maega?

◼ I te kamataga o masina takitasi, e ‵tau o fakatoka kae lafo atu ne te failautusi o te fakapotopotoga a lipoti mō te galuega talai a te fakapotopotoga kātoa ki te ofisa lagolago. E ‵tau o tuku atu a lipoti e auala i te faka‵fonuga o te pepa Congregation Report (S-1) io me fakaaoga te website ko te jw.org. E ‵tau o maua ne te ofisa lagolago a lipoti konei mai mua o te po 20 o masina takitasi.

◼ E ‵tau o suke a tupe a te fakapotopotoga mō te masina o Iuni-Aokuso kae ke fai se faka‵pulaga ki te fakapotopotoga māfai ko oti ne fai. E ‵tau foki o suke a tupe a te Komiti Tausi Fale Tapuaki, mō Fale Tapuaki kolā e uke atu a fakapotopotoga e fakaaoga ne latou mō masina foki konā e tolu.

◼ Ka fai a te lāuga fakapito mō tino katoa i te vaitaimi o te Fakamanatuga i te 2016, i te vaiaso o Mati po 28. Ka faka‵pula fakamuli atu a te matua o te lāuga. A fakapotopotoga kolā e fai olotou fono o te fenua i te fakaotiga o te vaiaso tenā io me ko te asiga a te ovasia o te fenua, ka fai te lāuga fakapito i te vaiaso mai tua ifo. E seai se fakapotopotoga e ‵tau o fai te lāuga fakapito mai mua i a Mati po 28.