Te Lipoti Toetoe o te Galuega Talai

Ne maua atu faeloa a ikuga ‵gali e uke mai te talai atu i koga talai kolā seki ga‵lue aka eiloa i ei. Ko oti ne fakatoka ne potukau e lua o tino talai mai fakapotopotoga kolā e ‵nofo mai lalo i te tausiga a te Ofisa lagolago i Fiti a latou eiloa ke aofia i te fakasalalauatuga o te fekau o te Malo ki nisi fa‵kai ‵mao kae fatufatua mo nisi fale o tino i koga maugā o Ba telā e tū ki te feitu ki te togala o Fiti. Ko oko eiloa i te fakafiafia aka o ikuga ne maua mai i ei. Ne talai atu latou ki fa‵kai e silia atu mo te 30 pelā foki mo fale o tino, ne tufatufa atu ne latou a tusi e ‵tusa mo te 17, polosiua mo tamā tusi e 133, mekesini e 1,287, mo sau‵talaga faka-te-Tusi Tapu mo tino taki tokotasi kolā e silia atu mo te 30.