KOLOA MAI TE MUNA A TE ATUA | IOANE 5-6
Tautali i a Iesu mo se Kilokiloga Tonu
I te taimi ne fai atu ei ne Iesu a te tala fakatusa telā ne faigata o malamalama i ei a soko, e isi ne tino ne loto vāi‵vai kae ko sē tau‵tali atu i a ia. I te aso mai mua atu i ei, ne fagai fakavavega ne Iesu latou, ne fakamautinoa atu i ei i tena ‵mana ne maua mai i te Atua. Tela la, kaia ne loto vāi‵vai ei latou? A te ‵tonuga loa, ne tau‵tali atu fua latou i a Iesu ona ko te kaima‵nako. Ne ‵kau fakatasi latou mo Iesu ona ko manakoga faka-te-foitino.
E ‵tau mo tatou taki tokotasi o fesili ifo: ‘Kaia e tautali au i a Iesu?’ E mata, ona fua ko fakamanuiaga i aso nei mo aso mai mua? Io me ko toku alofa ki a Ieova mo toku manako o fakafiafia atu ki a ia?’
Kaia e mafai ei o loto vāi‵vai tatou māfai e tavini atu tatou ki a Ieova ona ko pogai konei mai lalo?
Me fia‵fia tatou ma ‵kau fakatasi mo tino o te Atua
Me ma‵nako tatou o ola i te Palataiso