Ke Fia‵fia o ‵Viki Atu ki a Ieova i Pese

Ne usu atu ne Paulo mo Sila a pese o vikiga ki a Ieova i te taimi ne ‵nofo ei lāua i te falepuipui. (Gal 16:25) E seai se fakalotolotolua me ne fakamalosigina a lāua ke kufaki e auala i lā pese ne usuusu. Kae e a tatou i aso nei? A pese e fakaaoga mō te ‵tou tapuakiga mo pese mai te leo fakasalalau ka fakamalosi mai eiloa ki a tatou kae fesoasoani mai ke tumau tatou i te fakamaoni i fakalavelave faiga‵ta. E se gata foki i ei, a pese konā e fai mō vikiga ki a Ieova. (Sal 28:7) Ko oti eiloa ne fakamalosigina tatou ke tauloto ki pati o pese konei. E mata, ko oti ne tofotofo aka koe ki ei? E mafai o fakaaoga ne tatou te ‵tou tapuakiga a kāiga ke fakaakoako ki pese kae tauloto foki a pati.

KE ONOONO KI TE VITIO E ‵VIKI ATU A TAMA‵LIKI KI A IEOVA I PESE, KO TALI AKA EI A FESILI KONEI MAI LALO:

• 

  Ka aoga pefea ki a tatou a te usu atu o pese o te Malo?

• 

  E fakatoka pefea ne te matagaluega ko te Audio/Video a te pukega o leo o pese usuusu?

• 

  E mafai pefea o fakatoka a tama‵liki mo kāiga ki te pukega o leo o pese?

• 

  Ne a pese o te Malo e ‵gali ki a koe, kae kaia?