VAEGA I TE 4

Se a te Ikuga o te lā Faka‵logo ki a Satani?

Ne seki faka‵logo a Atamu mo Eva ki te Atua, ne ‵mate ei lāua. Kenese 3:6, 23

Ne kai a Eva ki te fuaga ne fakatapu kae ne tuku atu ne ia a nai mea ki a Atamu

Ne fakalogo a Eva ki te gata, kai ei ki te fuagalakau. Fakamuli ifo, ne tuku atu foki ne ia ne mu mea ki a Atamu kae ne kai foki a ia ki ei.

Ko tiaki ne Atamu mo Eva te lā Palataiso

A te mea ne fai ne lāua se mea ‵se—se agasala. Ne afuli keatea ne te Atua a lāua mai te Palataiso.

Ne gasolo aka o ma‵tua a Atamu mo Eva kae ne ‵mate fakamuli atu

Ne faigata ‵ki te olaga ki a lāua mo lā tama‵liki. Ne gasolo aka lāua o ma‵tua kae ‵mate atu. Ne seki olo lāua ki se isi koga aka; ne ‵mate eiloa lāua.

A tino ‵mate e ‵pau eiloa mo te ‵pefu. Kenese 3:19

E ‵mate tatou ona ko tatou ne o‵mai katoa i te gafa o Atamu mo Eva. E se mafai ne tino ‵mate o lavea io me lagona ne latou se mea.—Failauga 9:5, 10.

Se tamaliki fafine ko mate kae ko loto mafatia tena kāiga

E se ko te loto o te Atua ke ‵mate a tino. Ko pili fua o toe faka‵tu aka ne ia a tino kolā ko ‵moe atu i te mate. Kafai e faka‵logo latou ki a ia, ka ola ei latou ki te se-gata-mai.