Se a te Uiga o te Mate o Iesu mō Koe?

Ne mate a Iesu ke mafai o maua ne tatou te ola. Ioane 3:16

E tolu aso mai tua o te matega o Iesu, ne āsi atu ei a fāfine ki tena tanuga, kae seai sena foitino i ei. Ko oti ne fakatu ne Ieova a Iesu mai te mate.

Ne fakasae fakamuli atu a Iesu ki ana apositolo.

E tonu, ko oti ne fakatu ne Ieova a Iesu mai te mate ki se foitino faka-te-agaga, telā e se mafai o mate. Ne lavea ne soko o Iesu a tena fanakaga ki te lagi.

Ne fakatu aka ne te Atua a Iesu kae fai ne ia mo fai te Tupu i tena Malo. Tanielu 7:13, 14

Ne talia ne Iesu ke mate a ia ko te mea ke mafai o faka‵sao a tino mai te agasala mo te mate. (Mataio 20:28) I te faiga tenā, ko mafai ei o maua ne tatou a te ola se-gata-mai.

Ne fakasopo ne Ieova a Iesu e pelā me se tupu ke pule ifo ki te lalolagi kātoa. Ka pule fakatasi mai a ia mo te toko 144,000 tino fakamaoni kolā ne faka‵tu aka mai te lalolagi ke ola i te lagi. Ka fakatu aka ne Iesu fakatasi mo te toko 144,000 se malo amiotonu i te lagi—ko te Malo o te Atua.—Fakaasiga 14:1-3.

Ka ‵fuli ne te Malo o te Atua a te lalolagi nei ke fai pelā me se palataiso. Ka se toe ai ne taua, amioga solitulafono, te mativa, mo te fiakai. A tino katoa ka fia‵fia.—Salamo 145:16.