E Mata, e Fakalogologo Mai a Ieova ki a Tatou?

E lagona ne te Atua a ‵tou ‵talo. 1 Petelu 3:12

A Ieova e fakalogologo ki “‵talo” a tatou (Galuega 10:31) E manako a ia ke fai‵pati atu tatou ki a ia mai ‵tou ‵kano loto.

‵Talo atu fua ki a Ieova, kae e se ki so se isi tino aka.

E mafai o ‵talo atu tatou e uiga ki mea e uke. 1 Ioane 5:14

‵Talo atu ke fai te loto o te Atua i te lalolagi e pelā mo te faiga i te lagi.

Ke ‵talo atu i te igoa o Iesu, ke fakaasi atu ei me e fakatāua ne koe te mea telā ne fai ne ia mō koe.

Fakatagi atu ke fesoasoani mai a Ieova ke fai ne koe a mea ‵lei. E mafai foki o ‵talo atu koe e uiga ki meakai, ke maua se galuega, ke maua se fale, gatu, mo se olaga malosi ‵lei.