FATATUSI I TE ITANETI a te Faleleoleo Maluga
Faleleoleo Maluga
FATATUSI I TE ITANEI
Tuvalu
  • TUSI TAPU
  • TUSI
  • MEETINGS
  • ypq mataupu 7 itu. 21-23
  • E a Māfai ko Faimalo Mai ke Aofia i Faifaiga Fakatauavaga sē ‵Tau?

E seai se vitio penei

Fakatoese atu, e isi se fakalavelave ki te peiga o te vitio

  • E a Māfai ko Faimalo Mai ke Aofia i Faifaiga Fakatauavaga sē ‵Tau?
  • Tali ki Fesili e 10 a Talavou
  • Mataupu
  • E Mata, e Aofia Tonu a te Fakaaogaga o te Gutu i Faifaiga Fakatauavaga?
    E Fesili Mai a Talavou
Tali ki Fesili e 10 a Talavou
ypq mataupu 7 itu. 21-23
Se tamaliki fafine talavou e ‵teke atu mo te mautinoa ki faifaiga fakatagata a se tamataene

MATAUPU E 7

E a Māfai ko Faimalo Mai ke Aofia i Faifaiga Fakatauavaga sē ‵Tau?

TE POGAI E TĀUA EI

E pokotia malosi eiloa tou olaga i aso mai mua i tau fakaikuga e uiga ki faifaiga fakatauavaga sē ‵tau.

NE A AU MEA KA FAI?

Mafaufau ki te tulaga tenei: Ne fesokotaki sāle a Heta mo Mika mō se lua masina, kae mafaufau tou fafine me ko leva eiloa ne iloa ne ia tou tagata. E aveave meli faeloa lāua i selefoni, e fai‵pati lāua i te telefoni mō se taimi leva ‵ki, kae e mafai foki o faka‵soko fakaoti ne lāua a pati a te suā tino! Kae nei la ko manako a Mika ki se mea telā e sili atu i te faiga fua o sau‵talaga.

I te lua masina ko ‵teka, ne pikilima kae sogi malie sāle a Mika mo Heta. Ne manako a Heta ke gata eiloa i konā. Kae e se manako foki ke tiakina a ia ne Mika. E seai eiloa se tino e fai ne ia tou fafine ke mafaufau me ko oko eiloa i tena matagali, kae tu ‵kese. ‘I tafa i ei,’ ne fai ifo tou fafine, ‘Māua mo Mika ko fia‵fai ‵ki . . . ’

Kafai ko matua ‵lei koe ke fai famau kae ko oko atu koe ki te tulaga o Heta, ne a au mea ka fai mai tua ifo?

TU KAE MAFAUFAU!

Ko fakaaoga se laugatu fou mo fai se laugatu ‵fulu

A faifaiga fakatauavaga se meaalofa mai te Atua mō tino a‵vaga fua. A te aofia i ei kae seki avaga ko te fakaaoga ‵se o te meaalofa tenā. E pelā eiloa mo te fakaaogaga o se laugatu fou mo ‵fulu a mea

Kafai e eva ifo koe mai i se lakau maluga kae taumafai o eva e pelā me se manu, ka logo‵mae eiloa koe i te ikuga mai i ei. E penā foki loa māfai e fakaseaoga ne koe se tulafono i mea tau amioga, e pelā mo te mea tenei e taku mai: “‵Kalo keatea mai i amioga fakatauavaga sē ‵tau.”—1 Tesalonia 4:3.

Ne a ikuga o te sē fakalogo ki te fakatonuga tenā? E fai mai te Tusi Tapu: “A ko ia telā e fai faeloa ne ia a amioga fakatauavaga sē ‵tau e agasala eiloa ki tena foitino.” (1 Kolinito 6:18) E pefea te ‵tonu o te manatu tenā?

Ko oti ne iloa ne tino fai sukesukega me ne masani o fe‵paki a talavou e tokouke kolā ne fai penā mo se ikuga e tasi io me e uke atu mai mea konei mai lalo.

  • LOTO MAFATIA. A te tokoukega o talavou kolā ne aofia i faifaiga fakatauavaga a koi tuai o a‵vaga ne fai mai me ne sala‵mo valevale latou mai tua ifo i ei.

  • SĒ FAKATALITONUGINA. Mai tua o faifaiga fakatauavaga sē ‵tau, e kamata o mafau‵fau lāua, ‘Ko oi aka foki ne ‵moe mo ia?’

  • FANOANOA. A te ‵tonuga loa, e ma‵nako a tamaliki fa‵fine ki se tino telā ka puipui ne ia latou, kae e se ko te fakaaoga valevale fua. Kae e iloa aka ne tamaliki tagata e tokouke me ko se fia‵fai malosi latou ki se tamaliki telā ko oti ne talia ne ia olotou taumafaiga.

  • Manatu tonu: Kafai ko oti ne aofia koe i faifaiga fakatauavaga kae seki avaga, ko fakamasiasi ne koe a koe eiloa mai te fakaseaoga o se mea tāua ‵ki. (Loma 1:24) Ko tō tāua tou foitino ke tuku atu fua ki so se tino!

Fakaasi atu me e maua ne koe te malosi ke “kalo keatea mai i amioga fakatauavaga sē ‵tau.” (1 Tesalonia 4:3) Kae kafai ko avaga koe i se aso e tasi, ko mafai ei o aofia koe i ei. Kae ka mafai o fiafia katoatoa koe ki ei e aunoa mo te manavase, salamo, mo te mataku ki mea kolā e masani o fai mo ikuga o te aofia i ei kae seki avaga.—Faataoto 7:22, 23; 1 Kolinito 7:3.

SE A TAU FAKA‵TAU?

  • E mata, e isi se tino telā e alofa tonu ki a koe e mafai o fai ne ia se mea telā e fakamataku ki tou ‵lei i te feitu faka-te-foitino mo mea tau lagonaga?

  • E mata, e isi se tino telā e alofa tonu ki a koe ka tofotofo ne ia koe ke fakamasei ei tou fesokotakiga mo te Atua?—Epelu 13:4.

MŌ TAMA‵LIKI FĀ‵FINE FUA

Se tamaliki fafine talavou e sagasaga kae mafaufau

Ne fai mai a nai tamaliki tagata me e se fia a‵vaga latou ki se tamaliki fafine telā ko oti ne ‵moe fakatauavaga latou. Kaia? Me e ‵lei atu ki a latou se tino telā e ‵ma!

E a, e poi koe i ei—kāti ko kaitaua foki koe? Ke masaua la te mea tenei: E fakagaligali mai ne ata vitio mo TV me i te aofia o talavou i faifaiga fakatauavaga sē ‵tau se mea gali e aunoa mo te logo‵mae i ei io me ko te tina alofa fakafamau tonu eiloa.

Ke mo a ma fakaloiloigina koe! A latou kolā e taumafai o fai ke aofia koe i faifaiga fakatauavaga sē ‵tau e ‵sala fua ki te mea e fia‵fia latou ki ei.—1 Kolinito 13:4, 5.

MŌ TAMALIKI TĀ‵GATA FUA

Se tamaliki tagata talavou e sagasaga kae mafaufau

Kafai ko fai famau koe, fesili ifo, ‘E mata, e atafai tonu eiloa au ki taku famau?’ Kafai a te tali ko te ao, se a te ‵toe auala ‵lei ke fakaasi atu? Mai te mauaga o te malosi ke fakama‵luga a tulafono a te Atua, te poto kae ‵kalo keatea mai tulaga kolā e mafai o fakaosooso ei koe, mo te alofa ke ‵sala atu ki mea e fiafia tou fafine ki ei.

Kafai e maua ne koe a vaegā uiga penā, ko tena uiga, ka ‵pau foki a lagonaga o tau famau mo lagonaga o te tamāfine Sulami, telā ne fai mai: “A taku pele e a aku, ka ko au e a ia.” (Pese a Solomona 2:16) Ke fakatoetoe aka te manatu, ka alofa malosi atu foki tou fafine ki a koe!

MANATU FESOASOANI

Kafai e taumafai se tino ke aofia koulua i faifaiga fakatauavaga sē ‵tau mai te fai atu, “Kafai e alofa mai koe ki a au, ka fai eiloa ne koe te mea tenei,” ke tali atu mo te mautinoa, “Kafai e alofa mai koe ki a au, ka se fakamolemole mai koe ki ei!”

So se faifaiga i va o te tagata mo te fafine, tenei te tulafono ‵lei ke tautali ki ei: Kafai se mea telā e se manako koe ke lavea ne ou mātua, e se ‵tau eiloa o fai ne koe.

PALANI MŌ FAKAMOEMOEGA

  • Ka saga atu pefea koe ki se tino telā e fai atu ke ‵moe fakatauavaga koulua?

  • Ne a fakanofonofoga ka sili atu ei te faigata ke fai atu ikai?

  • Ka ‵kalo keatea koe pefea mai i fakanofonofoga konā?

    Tusi Tuvalu (1981-2026)
    Log Out
    Log In
    • Tuvalu
    • Share
    • Nisi Manakoga
    • Copyright © 2025 Watch Tower Bible and Tract Society of Pennsylvania
    • Auala ki te Fakaaogaga
    • Saolotoga Faka-te-Tulafono
    • Privacy Settings
    • JW.ORG
    • Log In
    Share