TOE ĀSI ATU
MATAUPU 9
Loto Malamalama
Fakatakitakiga: “Ke fia‵fia fakatasi mo latou kolā e fia‵fia; kae ‵tagi fakatasi mo latou kolā e ‵tagi.”—Loma 12:15.
Mea ne Fai ne Iesu
1. Onoono ki te VITIO, io me faitau te Maleko 6:30-34. Kae mafaufau ki fesili konei mai lalo:
a. Kaia ne ma‵nako ei a Iesu mo ana apositolo o nofo i a “latou aka eiloa”?
e. Se a te mea ne fakamalosi ne ia a Iesu ke akoako a te vaitino?
Se a te Mea e Tauloto ne Tatou Mai i a Iesu?
2. Te loto malamalama e fai ne ia tatou ke atafai ki nisi tino, kae e se ko te fekau fua telā e talai atu ne tatou.
Fakaakoako ki a Iesu
3. Fakalogologo faka‵lei. Tuku te avanoaga ke fakamatala mai ne te tino a mea e uiga ki a ia. Kae ke mo a e fakagata fakavave ne koe a ia io me se fia saga atu ki ana lagonaga, ana manavasega io me ko mea kolā e se fiafia a ia ki ei. A te saga tonu atu, e fakaasi atu ei me amanaia koe ki mea e mafaufau a ia ki ei.
4. Mafaufau ki te tino fiafia. Mai i sau‵talaga kolā ko oti ne fai ne koulua, fesili ifo ki a koe:
a. ‘Kaia e ‵tau ei o iloa ne ia te munatonu?’
e. ‘E fesoasoani atu pefea te sukesuke ki te Tusi Tapu ke momea aka te ‵lei o tena olaga i aso taki tasi kae penā foki mo aso mai mua?’
5. Fakaasi atu a fakamatalaga kolā e fetaui mo ana manakoga. I se taimi fakavave, fakaasi atu te auala e mafai ei ne te sukesuke ki te Tusi Tapu o tali aka ana fesili kae fesoasoani atu foki ki a ia i auala aoga.